როგორც პროექტის პროდიუსერები ამბობენ, მაყურებელს ბევრ სიურპრიზს უმზადებენ ინგა გრიგოლია, ცოტა ხნის წინ ''ორი ვარსკვლავის'' მოწვეული ჟიურის წევრი გახლდათ და როგორც მოგვიანებით სოციალურ ქსელში დაწერა, ეს საქმე ძალიან მოეწონა.

ხუთშაბათს ''იმედის'' ეთერში ''ცეკვავენ ვარსკვლავების'' მეოთხე სეზონი იწყება და როგორც პროექტის პროდიუსერები ამბობენ, მაყურებელს ბევრ სიურპრიზს უმზადებენ.

შოუს ერთ-ერთი ჟიურის წევრი ჟურნალისტი ინგა გრიგოლია იქნება, ამის შესახებ ინგამ რამდენიმე წუთის წინ ''ფეისბუქზე'' დაწერა:

''ხუთშაბათიდან იწყება ''იმედის'' ყველაზე პოპულარული შოუს ''ცეკვავენ ვარსკვლავების'' ახალი სეზონი. ყოველ ხუთშაბათს საღამოს ათ საათზე. ხოდა ჟიურიში ვჯდები...…

თავიდან დავფიქრდი, როცა შემომთავაზეს ჟიურის წევრობა და კარგად გავიაზრე და დავინახე ჩემი როლი და დავთანხმდი. ხუთშაბათიდან 22.00-ზე გვიყურეთ პრდაპირ ეთერში…და ყოველ პარასკევს, საღამოს ათზე "რეაქციაში''. კიდევ ერთი ძალიან საინტერესო და ახალი ეტაპი მეწყება''.

როგორც ჩანს, ''იმედსა'' და ''რუსთავი 2-ის'' სატელევიზიო რეიტინგებისთვის ბრძოლა მძაფრდება. გასულ სეზონში ''ცეკვავენ ვარსკვლავების'' და ''პროფილის'' ბრძოლა, ''პროფილის'' გამარჯვებით დამთავრდა. ვნახოთ, ახალ სეზონზე როგორ დამთავრდება მორიგი სატელევიზიო დუელი.

სალომე დადიანი
სპეციალურად ''რეიტინგის'' საიტისთვის