რამდენიმე დღის წინ ცნობილი გახდა, რომ ნოდიკო ტატიშვილს კორონავირუსი დაუდგინდა. მომღერალი სახლში მკურნალობს და პერიოდულად საკუთარი მდგომარეობის შესახებ სოციალური ქსელის საშუალებით, ჯანმრთელობის მდგომარეობის შესახებ ინფორმაციას ავრცელებს.

"დიდი მადლობა თითოეულ თქვენგანს ყურადღებისთვის, თქვენი გულწრფელი კეთილი სურილები ძალას მმატებს. ბედნიერები იყავით და ჯანმრთელები მთელი ცხოვრება…

ახლა კარგად მომისმინეთ, მაქსიმალურად გაუფრთხილდით თავს! დაიცავით ყველა რეკომენდაცია ვირუსის პრევენციისთვის! წინააღმდეგ შემთხვევაში, ერთი სტრესი ხომ ისაა, რომ ვინმეს შეიძლება დაუდასტურდეს კოვიდ19 და მეორე სტრესი კიდევ ის, რომ ჯან. დაცვის სფეროში არასახარბიელო მდგომარეობაა!

დეტალურად ცოტა უკეთ რომ ვიქნები, მერე მოვყვები. ️ამ ყველაფერს საკუთარი გამოცდილებიდან ვსაუბრობ!
ამიტომ გაუფრთხილდით თავს, დარჩით სახლში თუ აუცილებელი არაა გარეთ გასვლა და გაითვალისწინეთ ყველა რეკომენდაცია!
მგონი ვახერხებ ხოლმე პასუხის გაცემას პირადში, თუმცა თუ ვერ გიპასუხეთ, არ გეწყინოთ!" - წერს ნოდიკო.