ხატია სიჭინავასა და რამაზ ნოზაძის დიდ ოჯახს საზოგადოება კარგად იცნობს. ცოტა ხნის წინ სამი გოგონას შემდეგ ვაჟი შეეძინათ, რასაც მათ ოჯახში უდიდესი სიხარული მოყვა. გუშინ შუათანა შუათანა ქალიშვილი ევა 6 წლის გახდა. ხატიამ მეორე შვილის დაბადება გაიხსენა და ის ფაქტი, როგორ უთხრა დედამთილმა რომ შვილს მისი ბებიის სახელს დაარქმევდა...

"6 წლის წინ ამირან გურგენიძემ გოგო რომ მითხრა მესამეჯერ, გამოვედი და ჩემს ქმარს დავურეკე, რომელიც საქართველოში არ იყო, "გოგოა და თუ გინდა ბიჭის სახელი დაარქვი-თქო". აშკარად არ მოუხდებოდა. მერე ჩემმა დედამთილმა მთხოვა, მე დავარქმევ სახელსო, მინდა ჩემი დიდი ბებიის სახელი დავარქვაო, ლამის გული წამივიდა და გონებაში წარმოვიდგინე ბევრი სახელი, რომელიც შეიძლებოდა რქმეოდა მისდიდ ბებიას.

"ჩემს დიდ ბებიას ევანგელია ერქვაო", რომ მითხრა, გულში ვლოცავდი და მადლობას ვუხდიდი ევა ბებოს. მუცლიდან რომ ამოიყვანეს, მეგონა დეჟავუ მქონდა და გაბრიელას ვუყურებდი, ისე ჰგავდა და ასე შემოიჭრა ჩვენს ცხოვრებაში მესამე ანგელოზი, რომელმაც ჩვენ აგვირჩია მშობლებად.

სულ მალე ევა 6 წლის გახდება და მოუთმენლად ელოდება თავის ფერად დაბადების დღეს. თვითონაც ფერადია და იცის, რომ დედ-მამა ყოველთვის ყველაფერს გააკეთებს, რომ მისი ცხოვრება სულ ფერადი იყოს, ტყუილად ხომ არ აგვირჩია მშობლებად".

ხატია სიჭინამ პირველ ქალიშვილს მამა გაბრიელის პატივსაცემად გაბრიელა დაარქვა, მეორე გოგონას მულის სახელი - ოლგა...