მეოთხე შვილის გაჩენის შემდეგ ხატია სიჭინავამ წონაში საგრძნობლად დაიკლო და ახლა ძიძას ეძებს. თუმცა სოციალურ ქსელში ქვეყანაში მიმდინარე მნიშვნელოვან მოვლენებს ყოველთვის ეხმაურება. ორი დღის წინ ცნობილმა სახემ ინსტაგრამზე ჩოგბურთელი ნიკოლოზ ბასილაშვილი მონიშნა და დაწერა:

"ცხოვრებაში ყველაფერი შეიძლება მოხდეს, მაგრამ საკუთარი შვილების მამას, სიბინძურისთვის ვერ და არ გავიმეტებ, რადგან ეს ყველაფერი აუცილებლად აისახება ბავშვის ფსიქიკაზე.

მე მესმის ნებისმიერი "შარლოტა" ცოლისთვის ისარია გულში, მაგრამ ცხოვრება გრძელდება და აუცილებლად გამოჩნდება "ნიკოლოზიც"... მთავარია არ გაბოროტდე და დახშული გონებით სისულელე არ ჩაიდინო. ჩვენი ოჯახის მხარდაჭერა" - წერს ხატია.

შეგახსენებთ, რომ რამდენიმე დღის წინ ცნობილ ნიკოლოზ ბასილაშვილს სასამართლომ გირაო შეუფარდა. ჩოგბურთელს ყოფილი ცოლი ძალადობაში სდებს ბრალს.