იტალიაში მცხოვრები, ქართველი საოპერო ვარსკვლავი, მიხეილ ქირია, კორონავირუსთან დაკავშირებით, სოციალურ ქსელში პოსტს აქვეყნებს და წერს, რა მდგომარეობაა ამ მხრივ იტალიაში.

"მეგობრებო, საშინელება ხდება იტალიაში, ქაოსია, საავადმყოფოების დერეფნებშიც კი ხალხი წევს, ამ ტემპით თუ გაგრძელდა ვირუსის გავრცელება ძალიან ცუდი რამ დატრიალდება და ერთადერთი მიზეზი რის გამოც ეს ხდება არის ის, რომ ხალხის ნაწილმა არ მიიღო სერიოზულად ეს პრობლემა და ჯანდაცვის მსოფლიო ორგანიზაციის მითითებებს არ დაემორჩილა.

რეგიონების ჩაკეტვის ინფორმაციამ გაჟონა და ათასობით ადამიანმა დატოვა წითელი ზონა მატარებლით, სხვა საშუალებებით და სამხრეთ იტალიაში დაბრუნდნენ ზოგიერთი თავის სახლში, ზოგიერითი ნათესავთან, რამაც შეუწყო ხელი ამ ვირუსის გავრცელებას. ვერცერთი მთავრობა ვერ უშველის ასეთ კრიზისს თუ თითოეულმა ადამიანმა არ ავიღეთ საკუთარი წილი პასუხისმგებლობა.

გვეუბნებიან რომ ხშირად დავიბანოთ და სახეზე არ მივიტანოთ ხელები, მაქსიმალურად ვეცადოთ მხოლოდ ბარათებით გადავიხადოთ, ფულზე რამდენიმე საათი ძლებს ვირუსი, განსაკუთრებით მეტალზე. მოკლედ დანარჩენი თქვენ იცით მაგრამ, რაც ვიხუმრეთ ამ ვირუსზე საკმარისია, სერიოზულად მივუდგეთ საკითხს.

ჩემი იტალიელი მეგობრების ფბ გვერდებზე რასაც ვხედავ საშინელება ხდება. გავუფრთხილდეთ საკუთარ თავებს და გარშემომყოფებს", - წერს ქირია.