ბერა ივანიშვილი ბრაზილიაში მიემგზავრება. ამის შესახებ ინფორმაცია სოციალურ ქსელში გამოაქვეყნა.

„ბრაზილია მომდევნო კვირაში პირველად მოვდივარ. მოუთმენლად ველოდები თქვენთან შეხვედრას. გთხოვთ, მირჩიეთ თუ რამე რეკომენდაცია გაქვთ ჩემი მოგზაურობისთვის“, – წერს ბერა ივანიშვილი ფეისბუქ გვერდზე.

ბრაზილიურმა გარემოსდამცველმა ორგანიზაციამ “იესეი”(ISA – „სოციალურ-ეკოლოგიური ინსტიტუტი“) გაავრცელა ინფორმაცია, რომ ბერა ივანიშვილი ამაზონის ჯუნგლების აღდგენისთვის ერთ მილიონ დოლარს გამოყოფს და იგი ეკოლოგიური კამპანიის (#PovosDaFloresta) ახალი ელჩი გახდა.

ორგანიზაცია საკუთარ ვებ გვერდზე წერს, რომ 24 წლის მომღერალი და მუსიკოსი, რომელსაც youtube-ზე 110 მილიონზე მეტი ნახვა აქვს, ბრაზილიის მკვიდრი მოსახლეობის ხმას ევროპამდე მიიტანს და ორგანიზაციის გარემოსდაცვით მუშაობას გააძლიერებს.
მანამდე კი ბერა ივანიშვილმა გაავრცელა ვიდეომიმართვა, რომელშიც განაცხადა, რომ ამაზონის ტყეებში ხანძრებთან საბრძოლველად 1,1 მილიონ დოლარს გადარიცხავს.