ბიზნესმენი ირაკლი ნანაძე ქართული საზოგადოებისთვის ცნობილი მაშინ გახდა, როდესაც პრესა მისი და ქართველი მსახიობის შორენა ბეგაშვილის რომანის შესახებ ალაპარაკდა.
ირაკლი ნანაძე და შორენა ბეგაშვილი ოფიციალურად დიდხანს არ ასაჯაროვებდნენ თავიანთ ურთიერთობას, თუმცა, თბილისში პოპულარული ქალის ცხოვრების საიდუმლოდ შენახვა შეუძლებელია. 

შორენა ბეგაშვილს ირაკლი ნანაძემ გასულ წელს ხელი ოფიციალურად სთხოვა და წყვილმა იქორწინა.



ცოტა ხნის წინ, "რეიტინგს" სანდო წყარომ უამბო, რომ წყვილი ერთმანეთს დაშორდა, კერძოდ ირაკლი ნანაძე 8-წლიანი თანაცხოვრების შემდეგ შორენა ბეგაშვილმა მიატოვა.

რა გახდა მიტოვების მიზეზი, ჩვენთვის უცნობია, თუმცა, აშკარაა ჩვენი წყარო ნამდვილად სანდო ინფორმაციას გვაწვდიდა, რადგან ცოტა ხნის წინ ბეგაშვილმა პირად გვერდზე განქორწინების მოწმობა დადო.




"რეიტინგი" შეეცადა შორენა ბეგაშვილთან დაკავშირებას, მაგრამ ის ჩვენს სატელეფონო ზარებს არ პასუხობს.

აღსანიშნავია, რომ შორენა ბეგაშვილმა ირაკლი ნანაძეს ინსტაგრამზე გამოწერაც გაუუქმა. ქვეყნის ყველაზე ლამაზი ქალი, რომელსაც უამრავი ქართველი და უცხოელი ეტრფის, თავისუფალია.