სიკვდილამდე ცოტა ხნით ადრე "იაპონჩიკს" 25 წლის მოსკოველი ქალი შეუყვარდა. მათი რომანი ვნებიანი და ხანმოკლე იყო, სიუჟეტი კი ნებისმიერ საპნის ოპერაზე უფრო ჩახლართული
ვიაჩისლავ ივანკოვი, "იაპონჩიკი"- რუსული მაფიის ნათლიმამა, ქურდული კანონის დამრღვევი აღმოჩნდა; ქურდული კოდექსის თანახმად, ქურდს შვილი არ უნდა ჰყავდეს, ავტორიტეტებს არც შვილის და არც ცოლის ყოლის უფლება აქვთ. "ნათლიმამას" მცირეწლოვანი შვილი ჰყავს ახალგაზრდა საყვარლისგან, სწორედ ამ უკანონო შვილს, გიორგის დაუტოვა მან თავისი კრიმინალური მილიონები.
სიკვდილამდე ცოტა ხნით ადრე "იაპონჩიკს" 25 წლის მოსკოველი ქალი შეუყვარდა.
მათი რომანი ვნებიანი და ხანმოკლე იყო, სიუჟეტი კი ნებისმიერ საპნის ოპერაზე უფრო ჩახლართული:
"იაპონჩიკის" ულამაზესი საყვარელი მის პირად მცველსაც შეუყვარდა, თუმცა, ორსული ქალი მესამე პერსონაჟს, იაპონჩიკის თარჯიმანს, ვინმე საშა ბოქსერს გაჰყვა ცოლად, დღეს სწორედ ის ზრდის ცნობილი ქურდის ვაჟიშვილს, რომელსაც ეს მეტსახელი ერთი ვერსიით, თვალის განსაკუთრებული ჭრილის გამო, მეორე ვერსიით კი იაპონურ ორთაბრძოლა ჯიუ-ჯიუტსუში მიღწეული წარმატების გამო შეარქვეს.
