თამუნა მახარაძე „ჩემი ცოლის დაქალების“ „ფეისბუქ“ გვერდზე განცხადებას ავრცელებს. მისი თქმით, ახალ სეზონში გურიის სოფელი ცუდად არის წარმოჩენილი და ამის გამო, გურულების სახელით, საყვედურს გამოთქვამს სერიალის მესვეურების მიმართ.
„მოგმართავთ სერიალ „ჩემი ცოლის დაქალების“, გადამღებ ჯგუფს და სცენარისტებს, ჯერ ერთი საერთოდ არ ვუყურებ მაგ სერიალს, მეორეც ის რომ, მე როგორც სოფელ ლიხაურის ერთ ერთი მაცხოვრებელი, ძალიან მეწყინა რომ, ასე
და კიდევ ერთი, კი მაინტერესებს რომელ დიასახლისს აქვს ,, ქვიჯა” (ფილთაქვა) გატეხილი, ეს რა მოსატანი იყო სერიალში, ვერ გამიგია, ამდენი წელია, მაქ ვცხოვრობ და ჯერ არ მსმენია, რომელიმე დიასახლის ფილთაქვა გაეტეხოს, არამც თუ მეზობლის საკუთარიც კი, ვერ დავიჯერებ, რომ იმ უბანში, სადაც ეს ფილმი გადაიღეთ, მასე მშრალად ისტუმრებდნენ მიცვალებულს, მე ვცხოვრობ მაგ უბანთან ძალიან ახლოს და რომ ვიცი, იმიტომაც ვწერ ყოველივე ამას, ძალიან მიკვირს და ნაწყენი ვარ, რომ ასე სამასხარაოდ და ასე დაღატაკებულად წარმოაჩინეთ დიდი ექვთიმე ღვთისკაცის (თაყაიშვილის) მშობლიური სოფელი.
სულ რამდენიმე ხნის წინ გადაიღეს ლიხაურში ფილმი ექვთიმე თაყაიშვილზე, ყოველივე ამის შემდეგ როგორ იფიქრეთ რომ ასე დაჩაჩანაკებულად და ასე სამასხარაოდ აგეგდოთ სოფელი, უბანი, ხალხი, იმ კუთხის სამეზობლო და ვითომდა გურული სატირელის სუფრა, არ ვართ მთლად მასე წასული ხელიდან გურულები და მითუმეტეს ,, ლიხაურლები”, მართალია ბევრი მომენტი რეალური და ყოველდღიური ცხოვრებისეული ეპიზოდებიც არის სერიალში, ზოგიერთი რამ მომეწონა და კიდეც ვიმხიარულე, მაგრამ რამაც გული დამწყვიტა და რაც მეწყინა, რომ არ მომეწერა ვერ მოვითმინე, დიდ ბოდიშს გიხდით ასეთი მწარე სიმართლისთვის.
ჭირისა და ლხინის სუფრა საქართველოს არც ერთ კუთხეში არ ეშლებათ და ყველა კუთხემ უაღრესად კარგად იციან სტუმარ-მასპინძლობა და პურ-მარილი, მაგრამ ასე ხელწამოსაკრავები ნამდვილად არ ვართ არც გურულები, არც გურული ადათ- წესები, არც ჩვენებური სუფრა და პურ-მარილი და არც გურია, სხვათა შორის (იმ ატალახებულ ეზოში ერთი ტომარა ნახერხი დაგეყარათ, მადლი იყო)“.
