მსოფლიო პრემიერამდე ერთი დღით ადრე ქართველ კინომოყვარეულებს, ხოლო სამი დღით ადრე მედიას მიეცა შესაძლებლობა, შეეფასებინა Warner Bros, Warner Animation Group-ის და LEGO System A/S-ის მორიგი ერთობლივი ნამუშევარი "ლეგო ფილმი 2".
ყველა დროის უდიდესი კინოპროექტი "ლეგო ფილმი" ეკრანებს უბრუნდება.

უნიკალურ პროექტში, რომელიც რამდენიმე ფილმის პაროდიას წარმოადგენს, მაყურებელი ხვდება მედმაქსს, ბეტმენს, გენდალფს, ვანდერ ვუმენს და სხვა საყვარელ პერსონაჟებს სათამაშოების სახით. სპეციფიკური იუმორისა და ორიგინალური ვიზუალის გამო, "ლეგოს ფილმები" წლების განმავლობაში ყველა თაობის მაყურებელს ერთნაირად აღაფრთოვანებს.




ეს კინოპროექტი იმითაც არის განსაკუთრებული, რომ არ არის ნახატებით შექმნილი ანიმაცია, აქ რეალური სათამაშოები ცოცხლდებიან.

„ლეგოს“ მეორე ნაწილის რეჟისორი მაიკ მიჩელია, ფილ ლორდთან და ქრისტოფერ მილერთან ერთად, რომლებიც პირველი ფილმის რეჟისორები და სცენარისტები იყვნენ და გუნდს ისევ დაუბრუნდნენ. 5 თებერვალს კავეა გალერიაში, სპეციალურად მედიისთვის, "ლეგო ფილმი 2"-ის დახურული ჩვენება გაიმართა. ემეტისა და მისი მეგობრების ნახვას, 3D ფორმატში საქართველოს კინოთეატრებში 7 თებერვლიდან, მსოფლიო პრემიერამდე ერთი დღით ადრე შეძლებთ.