ყველაფერი კი დაახლოებით ორი კვირის წინ დაიწყო, როდესაც ია სუროგაციის ცენტრის დირექტორთან ერთად ტაილანდში გაემგზავრა. ტარიელს და იას რომ ურთიერთობა აერიათ, ეს მათი ''ფეისბუქის'' გვერდებიდან ჩანდა.
მიზეზი ყველას კატა-ზუზი ეგონა, რომელიც იას წასვლის შემდეგ ცუდად გახდა და
ტარიელი წერდა, რომ მეუღლის ტელეფონში იას და პარიკმახერ მიშა გასიტაშვილის მიმოწერა აღმოაჩინა, სადაც მეგობრები სუარს დასცინოდნენ და მისი თავიდან მოშორებით იმუქრებოდნენ.
ვირტუოზი გიტარისტის სტატუსიდან ცხადი გახდა, რომ ტარიელმა იმ დღეს ფანჯრის მინა ჩატეხა, რომელსაც მეორე დღეს ჩასვამდა. მეუღლის მიერ გამოქვეყნებული სტატუსი იამ თავდაპირველად სიმთვრალეს დააბრალა, თუმცა შემდეგ ხალხს მოუწოდა, რომ ტარიელი სოციალური ქსელიდან წაეშალათ და დაებლოკათ.
მალე გავრცელდა ინფორმაცია, რომ წყვილი დაიშალა, თუმცა იამ ეს ინფორმაცია არ დაადასტურა.
''რაც არ უნდა მოხდეს ჩემსა და ჩემს მეუღლეს შორის, არც ერთ ადამიანს, თუნდაც ჩვენი დაშორების შემდეგ მისი შეურაცხყოფა არ შერჩება. ასე რომ გირჩევთ, ფრთხილად იყავით სანამ მის საწინააღმდეგოდ რამეს წამოაყრანტალებდეთ.
ჩემის აზრით, დღეს საქართველოს იაზე მოსაფრთხილებელი ადამიანი არ ჰყავს და ვისი მოფრთხილებაც მე, ერთმა ადამიანმა ვერ შევძელი.
დარწმუნებული ვარ ამას ქართველი ხალხის ის ძალიან დიდი სიყვარული შეძლებს, რომელსაც მე მასთან გატარებული ექვსი თვის მანძილზე ყოველდღიურად ვგრძნობდი.
იასნაირები საუკუნეში ერთხელ იბადებიან და ერი, რომელიც ასეთ ადამიანებს არ დააფასებს, არც იებით მოფენილ უმშვენიერეს გაზაფხულს იმსახურებს'' _ წერს ტარიელი.
მეუღლის გულისამაჩუყებელი სტატუსის შემდეგ ია ფარულავამ სოციალურ ქსელში ტარიელის მიერ შესრულებული ერთ-ერთი კომპოზიცია გამოაქვეყნა და დაწერა:
''გინდ ჩალეწე გინდ ჩათვერი გინდ გაგიჟდი მარტშია- მაინც მარგად უკრავს ბახსა ეს ოხერი კაცია. ყველაფერი ეპატიება...''
ტარიელის გაბრაზება კი ასე ახსნა:
''ნასვამი იყო და ბევრი რაღაც მოიგონა და მოჩმახა''
სალომე დადიანი
სპეციალურად ''რეიტინგის'' საიტისთვის
