საქართველოში და არა მხოლოდ, ოჯახები ხშირად ინგრევა, თუმცა, ამაში სახელმწიფო და სატელევიზიო გადაცემა ჯერჯერობით არავის დაუდანაშაულებია.

საქართველოს პარლამენტის წევრი, ემზარ კვიციანი ამ მხრივაც ორიგინალური აღმოჩნდა და ოჯახების დანგრევაში სახელმწიფო და "რუსთავი 2" დაადანაშაულა.

“რატომ არ ვუკრძალავთ საერთოდ ტელევიზიებს, რომ... ვინც კი რუსთავი ორს უყურებს და ნანუკას შოუს, 90% იმ ქალებისა, ოჯახები აქვთ დანგრეული, არ აკვირდებით?

რა შუაშია და თავშია, მიზანმიმართულად მიდის ჩვენი ოჯახების დანგრევა და ჩვენი სახელმწიფოს დანგრევა, ამას ფრთხილად უნდა მივუდგეთ, არა?

ხშირად არის ხაზგასმა იმაზე, რომ აი, ქალებზე ძალადობაზე ლაპარაკი. და კაცებზე არ ძალადობენ ქალები? ხო არის ესეც? ხომ დასჯადია ისიც და ისიც? აბა, რას ვუმატებთ კიდევ ”.