გუშინდელი საღამოდან, როცა „კვირის აქცენტებში“ ნიკა გვარამიამ სალომე ზურაბიშვილის პირად ცხოვრებასთან დაკავშირებით განცხადება გააკეთა, სოციალურ ქსელებში „რუსთავი 2“-ის დირექტორის მისამართით კრიტიკა ისმის.
ნანუკა ჟორჟოლიანი გამოექომაგა გვარამიას და აღნიშნა, რომ მისი რეაქცია არ გაუკვირდა, რადგან სალომე ზურაბიშვილის ვაჟის მიერ გრიგოლ ვაშაძის შვილის, ნოდარის დებატებში გამოწვევა არასწორი გადაწყვეტილება იყო.
„გრიგოლ ვაშაძის შვილი ვერ მიიღებს ვერანაირ დებატებში მონაწილეობას. ჩემი მხრიდან მიზებზე საუბარი იქნება უკიდურესად არასწორი, მაგრამ ნიკამ იცის ეს მიზეზები და ისიც, რომ ვაშაძისთვის ეს უმძიმესი თემაა. ისევე
როგორც იციან ქოცებმა და ამიტომაც “დაარტყეს” ადამიანურად სუსტ ადგილას გაერთიანებული ოპოზიციის ლიდერს. მეც ძალიან გავბრაზდი, როცა მივხვდი, სად ისროდა ქვებს ზურაბიშვილის ბიჭი. ამიტომაც არ მიკვირს ნიკას გუშინდელი რეაქცია. მე, უარესი მქონდა და ვინც მიზეზს გაიგებთ, კიდევ უფრო უარესი გექნებათ. თორემ, სხვის პირადზე რომ არ უნდა ვილაპარაკოთ, ვინ და გვარამიამ იცის, რომელსაც ნახევარქათამას სარეკლამო და მუსიკალურ კლიპებში ეძანიან. ნიკას ორივე შვილი ზუსტად ისე უყურებს ამბავს “ნახევარქათამა” მამაზე, როგორც სალომე მის შვილს უყურებდა, როცა ვაშაძის ბიჭს “დოღზე” ითხოვდა მაგრამ პროტესტი არ გასჩენია. არც ქალური, არც დედური.
იქნებ, ერთხელაც ისე გავბრაზდეთ, რომ ერთმანეთის პირადი სივრცეები წინასაარჩევნოდ კი არა, საერთოდ დავივიწყოთ, ოღონდ ყველამ. ორივე მხარემ“.
