„მხოლოდ ქართულის“ მეორე გადაცემაში, ერთ-ერთმა მონაწილემ დათო კენჭიაშვილის სიმღერა შეასრულა. დათო კენჭიაშვილი ვინაა, გამანათლეთო, გადაულაპარაკა კოლეგებს მარინა ბერიძემ. იცი, უბრალოდ ვერ იხსენებო, უპასუხა სოფომ.

ჩვენ დავინტერესდით გაიხსენა თუ არა მარინა ბერიძემ ეს მომღერალი და მისგან კვლავ უარყოფითი პასუხი მივიღეთ.

საინტერესოა, რა პოზიცია აქვს მომღერალს, მაშინ როცა მას ვერ ცნობენ და დათოს დავუკავშირდით.

„მერე რაა, შეიძლება არც მიცნობს. საქართველოში ძალიან ცოტა მიცნობს მე. ძირითადად მისმენენ: ირანში, ისრაელში, საბერძნეთში, დაღესტანში, ოსეთში, აფხაზეთში, ინგუშეთში, ჩრდილოეთ სახალინშიც კი, პეტერბურგში, მოსკოვში, ბაქოში, სასომხეთში, სოჩაში, ყაბარდო ბალკანეთში, სირიაში, დუბაიში, ავღანეთშიც, ამერიკაში მცხოვრები ქართველები. ახლო მომავალში ლორენ ჰილის მუსიკოსებთან ვწერ ჩემს ახალ ალბომს და ა. შ.

ალბად ოდესმე გამიცნობს, ეგეც ადამიანია (იცინის). წარმატებები მას გულწრფელად. მე როგორც ადამიანს, დიდ პატივს ვცემ და არა როგორც რომელიმე სფეროს მცოდნეს. ჩემთვის ყველა ადამიანი ერთია.“ - განაცხადა „პრაიმტაიმთან“ საუბრისას დათო კენჭიაშვილმა.