ბაჩო ახალაიას ადვოკატ გოგა ონიანის დაკავების შემდეგ ლევან მდინარაძემ „ფეისბუქის“ საკუთარ გვერდზე ონიანის მისამართით სკანდალური სტატუსი გამოაქვეყნა.
„გოგა ონიანს:
ალბათ ყველას გახსოვთ ჩემი დაკავება 2011 წლის 17 ოქტომბერს, ოფიციალურად დამაკავეს იმიტომ, რომ „ქართული ოცნების“ მხარდამჭერი
ზუსტად მაგ დღეს გოგა ონიანის, ამ გარეწრის ორგანიზებით და მოხდა ჩემი დაკავება, ხელებშეკრული მანქანაში, რომ ჩამტენეს ეს ადამიანი მეუბნეოდა იმას, რომ სახელმწიფო ღალატისთვის დამიჭირეს.
განყოფილებაში რომ მიმიყვანეს ამ ადამიანის ზეწოლა ხდებოდა ჩემზე რაღაც სულელური, აფსურდული კითხვებით. უნდოდა, რომ რაღაც სისულელეები მესაუბრა და ცუდი ინფორმაცია მელაპარაკა.
ხმამაღლა მაიძულებდა, რომ მეთანამშრომლა. არაფერი რომ არ გამოვიდა, პირადად ამ ადამიანმა გამომიტანა განაჩენი და ზუსტად ეს სიტყვები მითხრა "აი ხომ არიგებდი ეხლა მაიკებს, ვნახოთ, რას გიშველის ეხლა შენი ბიძინა. პირობას გაძლევ, რომ იჯდები მინიმუმ 7 წელიო" - ჩემი პასუხი, რომ მიიღო კიდევ უფრო გამწარდა – კარგი, ვიჯდები-თქო, და ამის შემდეგ დაიწყო კიდევ უფრო დიდი ზეწოლა.
გოგა ონიანმა მოასწრო და ბევრი უდანაშაულო ქართველი გამოკეტა საკანში. ამ ადამიანის წყალობით გარდაიცვალა ბევრი და ბევრი ოჯახი გამწარდა. ეს არადამიანი იმსახურებს იმაზე მეტ სასჯელს, რაც დღევანდელ სასამართლოს შეუძლია გამოუტანოს.
და იმ ადამიანებს მინდა ვუთხრა ვინც ამ არამზადას იცავს, ამაზე უარესს ეღირსებით, რაც იმ გამწარებულმა ხალხმა ნახა, ამაში იყავით დარწმუნებულები.
მიუხედავად ამისა, საზოგადოების დიდი მხარდაჭერით და პირადად ბატონი ბიძინას დახმარებით, მაინც გამომიშვეს და თამამად მინდა ვთქვა, რომ ჩემი დაწყებული საქმე, ძალიან დიდი მასშტაბებით მივიყვანე ბოლომდე. მე გახლდით „ქართული ოცნების“ ყველა აქციის ტექნიკური ორგანიზატორი.
მე დღეს ეს ძალიან მეამაყება.
სალომე დადიანი
სპეციალურად „რეიტინგის“ საიტისთვის
