თათა სადრაძის გადაცემაში „არტ ფმ“ სამოდელო სააგენტო „იმიჯ ცენტრის“ ხელმძღვანელი ია კიწმარიშვილი და „მის საქართველო“, ნია წივწივაძე სტუმრობდნენ. თემა გახლდათ ნიას გამგზავრება „მის მსოფლიოზე“ და მზადება სილამაზის მასშტაბური კონკურსისთვის. კიდევ ერთი კონკურსისთვის ემზადება „მის საქართველოს“ კიდევ ერთი პრიზიორი, ლარა იანი.

- საამაყოა, რომ ჩემი ქვეყანა უნდა წარვადგინო. მსგავსი რამ პირველად მიწევს, მაგრამ ძალიან სასიამოვნოა ის დაღლაც, რაც მზადებას ახლავს. გამოვკითხე ბევრი რამ წინა „მის საქართველოებს“. ბევრი რჩევა მივიღე და ძალიან მომზადებული მივდივარ.



ნია წივწივაძე მის მსოფლიოზე ცეკვა ილოურს შეასრულებს.

- მიხარია, რომ ხე არ აღმოვჩნდი და მეგონა, რომ მოუქნელი ვიქნებოდი (იცინის). უნდა წარვადგინო „ილოური“. იმდენად მომწონს, რომ მინდა, როცა ჩამოვალ, კიდევ სადმე ვიცეკვო. სამოსიც „ილოურისთვის“ იკერება. იმდენად მომწონს, რომ მეუბნებიან, როცა გათხოვდები, ასეთი ჩაიცვიო. წლების მერე… (იცინის).