გიორგი ჯერ არ არის ''ჰოლივუდის ვარსკვლავი'', როგორც ამან გადაცემაში გაიჟღერა, თუმცა სამომავლოდ ამის დიდი პერსპექტივა აქვს - კარგი გარეგნობით, უდაო ნიჭით გამოირჩევა და ჰოლივუდის ბომონდშიც უკვე შეღწეული აქვს. აქედან კი ნამდვილ
ჯერჯერობით მის შესახებ ინტერნეტში არ მოიძებნება ბევრი ინფორმაცია, ძირითადად ყველგან ის წერია, რომ გიორგი თბილისშია დაბადებული რეჟისორისა და მწერლის ოჯახში. გიორგის მამა დავით აგიაშვილი ცნობილი რეჟისორი იყო, ''კინოსტუდია ქართული ფილმის'' რედაქტორი, ცნობილი კინოპროექტის თბილისი, Tbilisi I Love You-ს სულის ჩამდგმელი. ასევე სახელგანთქმული იყო გიორგის პაპა - ნიკოლოზ აგიაშვილი, დავით აგიაშვილის მამა, მწერალი გახლდათ.
2 წლის იყო გიორგი, როცა ატლანტაში გადავიდა საცხოვრებლად ოჯახთან ერთად. მერე კი დედამისმა გაგზავნა მისი მონაცემები სხვადასხვა სააგენტოში და მისი კარიერაც დაიწყო. 12 წლისას ჰქონდა პირველი პატარა როლი სარეკლამო რგოლში.
ჯერჯერობით ყველაზე მნიშვნელოვანი როლი შესრულებული აქვს ახალგაზრდულ კომედიაში ''ლოლა'', რომელშიც მაილი საირუსის ბოიფრენდი განასახიერა. ამ სურათში ასევე თამაშობენ დემი მური და ეშლი გრინი. ამ სურათის გარდა მის ანგარიშზე არის რამდენიმე ტელესერიალი (მაგალითად, ''ბევერლი-ჰილზი 90210: ახალი თაობა'', ''ლინკოლნ-ჰაიტსი'', ''დეტექტივი რაში'') და ახალგაზრდული ფილმი.
ჯორჯი ასევე აქტიურად თანამშრომლობს თავის ძმასთან, რომელიც დღეს ერთ-ერთი ყველაზე წარმატებული ქართველი რეჟისორია საზღვრებსგარეთ. როგორც ნიკა აგიაშვილი ამბობს, მას თავის ყველა ფილმში აქვს გათვალისწინებული როლი თავისი უმცროსი ძმისთვის.
გადაცემის გასვლის შემდეგ ნანუკა ჟორჟოლიანმა სოციალურ ქსელში შემდეგი შინაარსის სტატუსი გამოაქვეყნა:
''როგორც ვატყობ დაერხა სავაშს! ჯორჯ ფინის ახალი ტალღა იწყება, რაც ძალიან მახარებს''...
ვინ გაიმარჯვებს ჯერჯერობით უთანასწორო ბრძოლაში ამას დრო გვიჩვენებს.
სალომე დადიანი
სპეციალურად ''რეიტინგის'' საიტისთვის
