თბილისის მერმა კახა კალაძემ გუშინ იტალიის პრეზიდენტს, სერჯო მატარელას უმასპინძლა. ოფიციალურ ვახშამზე კახა კალაძეს გვერდს მეუღლე, 8 თვის ორსული ანუკა არეშიძეც უმშვენებდა. 

ანუკას თეთრი სადა კაბა ეცვა. თბილისის პირველი ლედი ახლა მეოთხე შვილის მოლოდინშია, ის ორსულობის მერვე თვეშია და როგორც თავად ამბობს, 22 კილოგრამი მოიმატა, თუმცა, ფაქტია, რომ ისეთივე მომხიბვლელი აღნაგობა აქვს, როგორც ორსულობამდე. 

ანუკას კახა კალაძესთან ერთად გამოჩენას საზოგადოება ყოველთვის დიდი ყურადღებით ადევნებს თვალს, გამონაკლისი არც გუშინდელი დღე ყოფილა, კახა კალაძის ოფიციალურ გვერდზე ანუკას უამრავმა თაყვანისმცემელმა გამოხატა აღფრთოვანება და კომენტარებში წერდნენ, რომ მთელი დარბაზი ანუკამ დაჩრდილა.