ნანუკას იმისთვის დავუკავშირდი, რომ მეკითხა, როგორ გრძნობს თავს და როგორია მისი ჯანმრთელობის მდგომარეობა ნანუკა გოგიჩაიშვილს, მოგეხსენებათ, ''რუსთავი 2''-ის დილის გადაცემაში ყოველდღიურად ამინდის პროგნოზი მიჰყავს. წინა კვირას მის შემხედვარეს გარეთ გასვლა ნამდვილად არ
მოგინდებოდათ.

ტელეწამყვანი მინუს რამდენიღაცა გრადუსში,ფაქტობრივად, ლოლოებჩამოკიდებული, ხან კუს ტბაზე და ხან ლისის ტბაზე იდგა და ამინდის პროგნოზს გვაცნობდა, ძალიან დიდი ყინვებისას ნანუკას კინაღამ მეტყველების უნარი დაეკარგა, მაგრამ მაინც გმირულად ართმევდა თავს თავის მოვალეობას.

ნანუკას იმისთვის დავუკავშირდი, რომ მეკითხა, როგორ გრძნობს თავს და როგორია მისი ჯანმრთელობის მდგომარეობა.

- 3 თებერვალს კალენდარში, ალბათ, წითლად შემოვხაზავ. ეს დღე ყოველთვის მემახსოვრება, რადგან ყველაზე მეტად შემცივდა. მიკროფონი რომელი ხელითაც მეჭირა, ანუ მარჯვენა ხელის სამი თითი ისე მომეყინა, რომ ახლაც მტკივა. სახლში მეუბნებიან, შენი ბრალია, ასე თხლად რომ გაცვიაო. ზოგადად, არ მიყვარს თბილად ჩაცმა. იმ ჩართვებზე, ალბათ, ყველაზე თბილად მეცვა ცხოვრებაში. ის სამი თითი ისე მტკივა, რომ ღილებს ვერ ვიკრავ. 
- ექიმთან არ იყავი?
- არ ვყოფილვარ. იმედია, გამივლის. სხვათა შორის, ამ ჩართვის შემდეგ ერთმა ადამიანმა მომწერა ''ფეისბუქით'', სად ხარ, ცხელ ყავას ან ჩაის მოგიტანო. დიდი მზრუნველობა გამოიჩინა, რისთვისაც მადლობა მას.

დიჯეი ბუკლე
ჟურნალი ''რეიტინგი''