მომღერალ გია სურამელაშვილის გარშემო ყოველთვის ათასი ჭორ-მართალი ტრიალებს. სულ ცოტა ხნის წინ, თბილისში მისი დაქორწინების შესახებ ალაპარაკდნენ. გავრცელდა ინფორმაცია, რომ მომღერალმა საიდუმლოდ იქორწინა.

ინფორმაციის გადამოწმების მიზნით, "რეიტინგი" გია სურამელაშვილს დაუკავშირდა.

- ბატონო გია, მართლა დაქორწინდით?
- რას მეუბნებით? სულ ცოტა ხნის წინ დავშორდი შეყვარებულს. როგორ დავქორწინდებოდი.



- მთელი თბილისი ამაზე საუბრობს...
- ვერაფერს გეტყვით. უსაქმური ხალხი ჭორაობს ყოველთვის. არ დავქორწინებულვარ და უახლოეს პერიოდში არც ვაპირებ. კონცერტები მაქვს დაგეგმილი.

- ისე როგორ ქალს ისურვებდით ცოლად?
- ასე ვერ გეტყვით. "პა ზაკაზუ" ხომ არ მოდის ეგ ამბავი?

- ვისაც დაშორდით, როგორი ქალი იყო?
- ეს რომ ის ყოფილიყო, ვინც ჩემი ცოლობის ღირსია, ხომ არ დავშორდებოდი? არ მსურს მასზე საუბარი. მადლობას ვუხდი ხალხს, ასეთი რეიტინგული მათი დამსახურებით ვარ. ცოლი ჯერ არ მომიყვანია.