ტექნოპარკში სამსუნგის Galaxy სერიის ახალი სმარტფონების პრეზენტაციაზე შეკრებილი ხალხი უხერხული ინციდენტის შემწრე გახდა. ღონისძიების მსვლელობისას, წამყვანი, რომელიც აუდიტორიას ტელეფონების სპეციფიკაციებზე ესაუბრებოდა, შემთხვევით სცენიდან გადმოვარდა. საბედნიეროდ, წამყვანი მძიმედ არ დაშავებულა, თუმცა, ახალი S9+ -ის ეკრანი გატყდა.

ირონიულია ის ფაქტი, რომ პრეზენტაციაზე ერთ-ერთ სიახლედ სამსუნგის წარმომადგენელმა სწორედ უსაზღვრო ეკრანის გარანტია წარადგინა. ამ პირობების მიხედვით, სამსუნგი ახალი ჰოლოგრამიანი სმარტფონის მფლობელებს, დაზიანების შემთხვევაში, ეკრანს უფასოდ გამოუცვლის. როგორც ჩანს, პირველი ასეთი მომხმარებელი სამსუნგს თავისივე წარმომადგენელი ეყოლება.

ინციდენტის მიუხედავად, წამყვანი სცენაზე დაბრუნდა და პრეზენტაცია განაგრძო. საინტერესოა ისიც, რომ ამ ამბის ამსახველი ვიდეო სოციალურ ქსელებში შემთხვევით მოხვდა, მსახიობ ბახვა ბრეგვაძის ფეისბუქის ლაივ ვიდეოს მეშვეობით. იხილეთ ვიდეო