ყოფილი ტელეწამყვანი თამუნა მუსერიძე და მსახიობი სანდრო მიკუჩაძე სამ თვეში გოგონას მშობლები გახდებიან. თამუნას ფეხმძიმობა პრობლემურად მიმდინარეობს, წოლითი რეჟიმიც დაუნიშნეს, მაგრამ მაინც მუშაობს.

- თამუნა, როგორ გრძნობთ თავს, როგორი ორსულობა გაქვთ?
- ახლა უკვე ნორმალური. თავიდან ვმალავდი ორსულობას, იმიტომ რომ მქონდა ჰემატომა, ტონუსი და ამიტომაც არ მსურდა საუბარი. ამის გამო საავადმყოფოშიც მოვხვდი.

- ასეთი მდგომარეობა რამდენი ხანი გაგიგრძელდა?
- 4 თვე ვიყავი ასეთ მდგომარეობაში.

- პირველი ფეხმძიმობაც ასე რთულად მიმდინარეობდა?
- პირველი ორსულობა სტაბილურად მშვიდი მქონდა, ნაკლებად პრობლემური. წონაშიც ნაკლებად მოვიმატე. ჯანმრთელობის პრობლემა არ მქონდა, არც არაფერი მინდებოდა. მშვიდად და წყნარად ვიყავი.

- სოციალურ ქსელში გამოაქვეყნეთ ვიდეო, სადაც თქვენმა შვილმა სანდრომ, ეს ინფორმაცია არც თუ კარგად მიიღო. ახლა თუ შეეგუა იმას, რომ და ეყოლება?
- ოთხი თვის განმავლობაში გვეუბნებოდნენ, ბიჭიაო. სანდროს ორი და ჰყავს. მამიდაშვილებიც გოგონები არიან, სანათესაოში ბიჭი არ ჰყავს. ბიჭი უნდოდა და თან 4 თვე ემზადებოდა - რაგბის, ფეხბურთს ვითამაშებთ, ერთად ვივლით ცურვაზეო. სხვანაირი მოლოდინი ჰქონდა, უცებ რომ გვითხრეს გოგოაო, ყველა ძალიან დავიბენით.

- ბავშვის დაბადების შემდეგ ძიძას აიყვანთ?
- ბავშვი მყავს და ჩვეულებრივად ვმუშაობ. შესაბამისად არა მგონია, მეორე ბავშვმა პრობლემები შემიქნმას, სანდრო ისე გავზარდე, ერთი დღეც არ მყოლია ძიძა.

ჟურნალი „სარკე“
მარი მგალობლიშვილი