ქეთი დოლიძის ვაჟი, თორნიკე ბზიავა 500-ლარიანი ჯარიმის სანაცვლოდ გათავისუფლდა. ის დღეს სასამართლოს ეზოში დააკავეს.
სოციალურ ქსელში სულ ცოტა ხნის წინ, პოსტი გამოაქვეყნა ქეთი დოლიძემ: "გინება ძალიან ცუდია! ხანდახან, სრულიად სამართლიანად, სხვათა შორის, პრემიერებიც იგინებიან! მერე ბოდიშს იხდიან. ესეც კარგია!
როცა შენს უახლოეს მეგობარს 8 წელს მიუსჯიან, ისიც გასაგებია, რომ ქუჩაში გამოსულმა, ისე რომ სასამართლოს ეზოშიც არ იყო, შეიგინო გამწარებულმა.....
გინება რომ ცუდია, ამიტომ 500 ლარი უნდა გადაიხადო და მოხვიდე სახლში.
ბოდიში არ შველის!" - წერს ქეთი დოლიძე.