ნათია თოდუას გერმანულ „ახალ ხმაში“ გამარჯვებას მთელი საქართველო ზეიმობს. თავის დროზე, ქართულ „იქს ფაქტორში“, სოფო ტოროშელიძის მიერ „დაწუნებული“ გოგონა ახლა მთელ ევროპას აღაფრთოვანებს.

ნათიას ნიჭი სტეფანე მღებრიშვილმა, თამთა გოდუაძემ და გიორგი გაბუნიამ „იქს ფაქტორის“ სცენაზე გამოჩენისთანავე შეამჩნიეს.
სტეფანე ამის დასტურად სკამზეც კი დადგა, მაგრამ...

ნათია თოდუას გამარჯვებას მთელი საქართველო ულოცავს სტეფანე მღებრიშვილსაც.

„სტეფანე და ეგებ ეხლა მაინც მიხვდეს საქართველო, რომ მუსიკათმცოდნემ უნდა შეაფასოს, ნიჭი - ნიჭიერმა და არა სამყაროზე დაბოღმილმა ტიპმა. ყველამ დავინახეთ, რომ მაგ პოლიტიკან ტიპებს ნიჭის დანახვა არ შეუძლიათ, დანახვა და დაფასება!

რა ხედვა და ალღო გაქვს, გილოცავ შენ პირადად - ამ საოცარ ადამიანში რომ შემართება არ ჩაქრა, ბრძოლის ჟინმა აქამდე რომ მიიყვანა, ამაში შენი ხედვის, შენი კეთილი გულის, სიტყვების და გამოსხივების მადლიცაა და გმადლობ მე პირადად...

P.S. ფალიაშვილსა და ცაგარელსაც უხარიათ. მეთრეშე-მენაგვე და მისი რაზმი მუსიკას და მუსიკოსებს შეგვეშვანო, ზაქარიამ დაიბარა“
„ბრავოო Stephane, ვისაც გვჯერა გაგვატარეთ !“

„Sopho Toroshelidze & Giorgi Gabunia ჩვენ გავიმარჯვეთ ჩვენი ხელოვნურობით, ნათია თოდუა გერმანიის ვოისის გამარჯვებულია, იმედია ეს იქნება მაგალითი იმისა რომ აღარასდროს გქონდეთ არცერთი კონკურსანტის შეფასების უფლება! Stephane Mgebrishvili შენ კი გილოცავ“, - წერენ კომენტარებში.

აღსანიშნავია, სტეფანე ერთ-ერთი პირველი იყო, ვინც ნათია თოდუას წარმატება გუშინ მიულოცა.
„Natia Todua საოცრად ! წარმოუდგენლად მიხარია შენი უფრო მაღალი მწვერვალების დაპყრობის დასაწყისი! სულ გამარჯვებული იყავი!“ - დაწერა მუსიკოსმა.