წარმატებულ ადამიანებს შორის, რომლებიც მსოფლიომ 2017 წელს აღმოაჩინა, გამოცემა "Elle"-ი სინდი კროუფორდის შვილთან - მოდელ კაია გერბერთან, მსახიობ ზოი კრავიცთან, ლუის ფონსისთან და სხვა ცნობილ ადამიანებთან ერთად ანუკი არეშიძეზეც წერს.

გამოცემის ინფორმაციით, ოქტომბრის ბოლოს თბილისის მერი გახდა ფეხბურთელი კახა კალაძე, რომელიც ყველაზე სიმპატიური პოლიტიკოსების მსოფლიო რეიტინგებში მალევე მოხვდა.

"ყურადღების მიღმა არც მისი ცოლი დარჩენილა - ქართული მოდური ბრენდის "Anouki"-ის დიზაინერი ანუკი არეშიძე. გარდა ამისა, რუსული და ევროპული გამოცემები მისით იმდენად დაინტერესდნენ, რომ მსოფლიო პოლიტიკოსების ყველაზე მოდური ცოლების - მელანია ტრამპისა და ბრიჯიტ მაკრონის მთავარ კონკურენტად დაასახელეს", - წერს "Elle"-ი.