საბავშვო ევროვიზია რუსეთის წარმომადგენლის გამარჯვებით დასრულდა. რასაც საზოგადოების აღშფოთება მოჰყვა. საკუთარი გაოცება მიღებული შედეგით, გამოხატა ჟიურის ერთ-ერთმა წევრმა თამრიკო სხვიტარიძემ.

"ხმამაღლა ვაცხადებ - ვიჯექი ევროვიზიის ჟიურიში. მომეწონა რუსეთის კონკურსანტის გამოსვლა - მაგრამ ხმა არ მიმიცია მისთვის - ყველაზე მეტი ქულა სომხებს მივეცი. თუმცა, ჩემს გარდა ჟიურიში კიდევ 4 წევრი იყო, მათ შორის ორი ბავშვი. ჩვენ ერთმანეთის შეფასებების ნახვის უფლება არ გვქონდა. ის რომ საქართველომ რუსეთს მისცა 12 ქულა და რუსეთმა საქართველოს ასევე 12 ქულა მისცა - ეს კარგი ამბავი მგონია. ბავშვები არ უნდა გაიზარდნონ მტრულად.

თუმცა, ვთვლი და ჟიურიშიც ხმამაღლა ვთქვი - რომ საქართველოში რუსეთის გამარჯვება ტეხავს.

და კიდევ, სულ რომ 2 ქულა მიეღო რუსეთს ჩვენგან, მაინც რუსეთი გაიმარჯვებდა, რადგან ქართველმა ხალხმა არ იაქტიურა და ხალხის ხმა დააკლდა გრიგოლს და არა ჟიურის ხმა.
ნერვებაშლილი თამრიკო
ეს ბოლოა ჩემი ევროვიზიასთან გაკარება - ეს კონკურსი აშკარად ჩემი არ არის ", - წერს სხვიტარიძე.