უკვე ორი კვირაა ანუკი არეშიძეს ახალი სტატუსი აქვს. ოქტომბრის ბოლოს მისი მეუღლე, კახა კალაძე თბილისის მერი გახდა.
ანუკი მოდის სფეროში გაცილებით ადრე გამოჩნდა. ის ერთადერთი ქართველი დიზაინერია, რომელიც Vogue Italia х Yoox The Next Talents-ში მოხვდა. 2016 წელს, მილანში მისი კოლექციის დასათვალიერებლად თვით ანა ვინტური და ფრანკა სოცანი მივიდნენ.
ბრენდი “anouki” 4 წლის წინ დაარსდა და
გამოცემა ანუკი არეშიძის შვილებზეც წერს: ანუკი სამი შვილის დედაა: ჰყავს 8 წლის ლევანი, 5 წლის კახი და არაჩვეულებრივი ვაჩე. ის იდეალური ქართველი მეუღლეა.
ბავშვობაში ყველაფერი სხვაგვარად იყო. ის ეზოში ბიჭებთან ერთად თამაშობდა. 12 წლის ასაკში დედამ სამოდელო სააგენტოში მიიყვანა. მალე კონტრაქტი გააფორმა Elite Milano-სთან და მომავალი მეუღლე, კახი კალაძე სწორედ მაშინ გაიცნო.
კახი მაშინ მაღალანაზღაურებადი და წარმატებული ფეხბურთელი იყო, შემდეგ საკუთარი ძალები პოლიტიკაში სცადა, იყო მინისტრი და ახლა თბილისის მერია.
ანუკის ვერ შეხვდებით ძვირადღირებულ რესტორნებსა და კარაოკეებში, ის ძირითადად საკუთარი საქმითა და ოჯახითაა დაკავებული. ვარჯიშობს ყოველდღიურად, მისი სილამაზის მთავარი რიტუალი საოჯახო რეცეპტით დამზადებული ნიღაბია. საღამოს ბავშვების დაძინების შემდეგ კი სახეს ყინულის ნატეხებით იწმენდს და ქმრის შინ დაბრუნებას ელის. ეს ხომ მაინც საქართველოა - იმ ქვეყნებს შორის ერთ-ერთი, სადაც ტრადიციული ღირებულებები ძველებურად პატივსაცემი და მუდმივად მოდურია.
