ორშაბათიდან "იმედის" ეთერში "ნიჭიერი" დაიწყება. კასტინგები ფილარმონიაში უკვე დასრულდა და სოციალურ ქსელში ვიდეორგოლიც გავრცელდა, სადაც ჩანს, თითქოს ფილარმონიის სცენაზე იარაღიანი მამაკაცი შევარდა, რომელიც ჟიურის წევრებს მოკვლით ემუქრება.

ვიდეო სოციალურ ქსელში "ნიჭიერის" ჟიურის ყოფილმა წევრმა და მსახიობმა ია ფარულავამ გააზიარა. "უნიჭოდ დადმული გათაშებულ -შეფასებული ნომერი, ორიანი თქვენ სულ ყველას" - წერს ფარულავა ვიდეოს კომენტირებისას.

პოსტს შალვა რამიშვილი გამოეხმაურა, "ახლა არ მოგწონს დემნახაბურზანია ხოოო?" - დაუწერა შალვა რამიშვილმა, რაზეც იამ შემდეგი პასუხი გასცა: "ისე რომ იცოდე მაგათზე დიდად მზე და მთვარე არ ამომდიოდა ...მქონდა კონფილქტებიც კულისებში თუ ისე....მიხარია რომ დამთავრდა".