სოციალურ ქსელში გუშინ ივანა მელაის და გურამიკო ლომიძის დაშორების შესახებ ალაპარაკდნენ. გავრცელებული ინფორმაციით, გურამ ლომიძე მესამე ცოლს დაშორდა და საცხოვრებლად საქართველოში დაბრუნება გადაწყვიტა. ივანამ კი ჩიკაგოში დარჩენა არჩია.

"რეიტინგმა" ინფორმაცია გურამიკო ლომიძის ახლობლებთან გადაამოწმა, რომლებმაც წყვილის დაშორება და ლომიძის საქართველოში დაბრუნება არ დაადასტურეს. ის ისევ ჩიკაგოში ცხოვრობს და ცოლ-შვილთან თავს ბედნიერად გრძნობს.

"რეიტინგი" ივანა მელაის და გურამიკო ლომიძეს ჩიკაგოში დაუკავშირდა, ჭორებს პასუხი ივანამ გასცა.

- არ მიყვარს ჩემს პირად ცხოვრებაზე საუბარი, უბრალოდ რადგან საქართველოში ბევრი ჩემი ახლობელი ადამიანი ცხოვრობს მინდა გითხრათ, რომ მე და გურამს ყველაფერი კარგად გვაქვს. ბედნიერად ვცხოვრობთ ჩიკაგოში მე და ჩემი მეუღლე ჩვენს ელიზაბეტ-ნატალისთან ერთად, მინდა მოვიკითხო ჩემი საყვარელი საქართველო და ქართველები.

შეგახსენებთ, რომ გურამიკო ლომიძე ჩიკაგოში წლებია ცხოვრობს და მუშაობს. ივანასთან დაქორწინების შემდეგ, წყვილი ზოგჯერ კლუბებშიც მღერის. ივანას და გურამიკოს ულამაზესი ელიზაბეტ-ნატალის აღზრდაში მათი მშობლები ეხმარებიან.