თეას მხედველობაში ჰქონდა პრემიერ ივანიშვილის პრესკონფერენცია, სადაც ბიძინა ივანიშვილი ჟურნალისტ ელისო კილაძის მიერ პროკურორის მოადგილის, ლაშა ნაცვლიშვილის თანამდებობიდან ჩამოშორების მოთხოვნასთან დაკავშირებულ განცხადებას გამოეხმაურა. პრემიერმა დასძინა, რომ ჟურნალისტები მხოლოდ ფოსტალიონები და სუფლიორები არ არიან და მათ საზოგადოებას სათანადო ინფორმაცია უნდა მიაწოდონ. პრემიერის მოსაზრებით, ხანდახან მედია სცოდავს,
თეა ადეიშვილის ზემოხსენებულ სტატუსს გამოხმაურება მოჰყვა ჟურნალისტური წრეებიდან და თეას ამ თემის დაკონკრეტებამ მოუწია, „ყველა ხელისუფლებას ფოსტალიონი ვგონივართ!..“ - დანანებით ამბობს ჟურნალისტი. მის სტატუსს გამოეხმაურა მისი დიდი ხნის მეგობარი, „მაესტროს“ ჟურნალისტი, დიანა ტრაპაიძე, რომელმაც ჰკითხა - „თეა, ობიექტური ვინ გგონია, ჯერ ის მომიყევი“, რასაც საპასუხო შეკითხვა მოჰყვა: „დიანა, შენ მოგეწონა ეპითეტები? ჯერ ეს მითხარი“. დიანა: „მე გადაცემა მქონდა ამ თემაზე, თეა, შენ ის მითხარი, ობიექტური ვინაა?“. თეა: „მე სხვა რამ ვიკითხე, დიანა და აქ რომ მდომოდა, დავწერდი, უკაცრავად!.. შენ ადამიანთა პერსონიფიცირებას მთხოვ, მე პროტესტს ვკითხულობ და როგორ არის ერთი და იგივე?!..“ დიანა: „კი, თეა, გააპროტესტეს ვიღაცებმა და ინბოქსში მოგწერ!..“მეგობრების საუბარი ამით დასრულდა, სტატუსს კი კიდევ ერთი ჟურნალისტი, ირაკლი ტაბლიაშვილიც გამოეხმაურა, რომელმაც დაწერა, რომ საკუთარ გვერდზე პრემიერის შეფასება გააპროტესტა და ბიძინა ივანიშვილი გააკრიტიკა.
თეა ადეიშვილის კომენტარებში კიდევ ერთი საინტერესო შეფასება ვნახეთ: „გული მწყდება, უფრო მეტიც, ვბრაზდები!.. დემოკრატიულ ქვეყანაში ბევრ სხვა რამესთან ერთად ორი მთავარი ინსტიტუტია ხელშეუხებელი, მედია და სასამართლო, ორივე უზრუნველყოფს ადამიანთა უფლებების უმთავრესი პრინციპის, სიტყვის თავისუფლების გამოხატვასა და დაცვას.“
სპეციალურად „რეიტინგის“ საიტისთვის
