ახალი სატელევიზიო სეზონის დაწყებამდე სულ უფრო ცოტა დრო დარჩა. ამ სეზონს მაყურებელი განსაკუთრებული ინტერესით ელოდება, რადგან უდიდეს ტელეკომპანიებში, კერძოდ „იმედში“ და „რუსთავი 2“-ში დიდი ცვლილებები განხორციელდა.
„რუსთავი 2“-ის საერთაშორისო პროექტების ხელმძღვანელებმა დემნა ჯაფარიძემ და გიორგი ხაბურზანიამ „იმედზე“ გადაინაცვლეს, ისინი კი „რუსთავი 2“-ზე დავით იმედაშვილმა ჩაანაცვლა.

სულ ცოტა ხნის წინ, ცნობილი გახდა, რომ გადაცემა „შინაურები“ დაიხურა. ამის შესახებ, სოციალურ ქსელში პროექტის პროდუსერმა ლაშა ბასლანძემ დაწერა: ჩვენი და იმედი2ს თანამშრომლობა მორჩა და იმედია კარგად მორჩა, მადლობა ნახვამდის და შედეგებს გაგაგებინებთ
რა გახდა გადაცემის დახურვის მიზეზი, ამის გასარკვევად პროდუსერს დავუკავშირდით:

- მოულოდნელი იყო ჩვენთვის გადაცემის დახურვა. აგვისტოში ხელფასი ჩაგვერიცხა და გვითხრეს, რომ გადაცემა აღარ გაგრძელდება. რა გახდა ამის მიზეზი არ ვიცით. ამ ეტაპზე მეტ კომენტარს ვერ გავაკეთებ.