ბორჯომის ხეობაში გაჩენილი ხანძრის გამო ერი შეშფოთებულია. სოციალური ქსელები აჭრელებულია ხანძრის სურათებითა და სტატუსებით. საზოგადოების დიდი ნაწილს ინციდენტის შემთხვევითობაში ეჭვი შეაქვს, ვარაუდობენ, რომ ცეცხლი ვიღაცამ სპეციალურად გააჩინა. ამ ვარაუდს კიდევ უფრო დამაჯერებელს ხდის ის ფაქტი, რომ გარდა წაღვერისა, ხანძარი გაჩნდა გორში, ჟინვალში, ახალციხეში, მესტიაში, ქარელში, ლაგოდეხში, თიანეთში, წყალტუბოში, ხაშურში, მთაწმინდაზე, ლისის ტბაზე, დიღმის მასივში, ისნის ბაზრობასა და თბილისში გლდანის მეშვიდე მ/რ-ნში. საბედნიეროდ, ხანძრის ჩაქრობა ზემოთ ჩამოთვლილ რაიონებში ადრე თუ გვიან მოხერხდა, ბორჯომის ხეობაში კი კვლავ სავალალო მდგომარეობაა. მიმდინარე მოვლენებს სოციალურ ქსელში ქართველი ვარსკვლავებიც ეხმაურებიან :

ნინი ბადურაშვილი: "რა ხდება?! არ მჯერა რომ ეს შემთხვევით ხდება"

სანდრო მიკუჩაძე: "რა დილამდე, რის დილამდე, გადაიწვა ბიჭო ტყე რამე გამოიყენეთ, რამე გააკეთეთ, მართლა ცოტა გაანძრიეთ ეგ მძორი ტრაკები! "

გიორგი სუხიტაშვილი: "უკვე მერამდენე შემთხვევაა, და არ ვართ მზად!
განა რა ღირს ეს ოხერი თვითმფრინავი?
ვიყიდოთ! ამაზე მნიშვნელოვანი კიდევ რა გაგვაჩნია?!
არავის არ ვუწყრები, არც პოლიტიკური მიმართულება აქვს ამ პოსტს. კონკრეტულმა ადამიანებმა მეტი უნდა იფიქრონ და წინ გაიხედონ! ესაა ურემის და გზის ამბავი! ეხლა ვიშვიში ვერ გვიშველის! ამდენი ხანია გასული და უფრო გაიზარდა ცეცხლი და ზარალი !
გასკდა გული!
განადგურდა ტყე, საწყალი ცხოველები და გარემო ..."

თინა მახარაძე: "ვინ და რამ გააცეცხლა ასე ამ ქვეყანაზე."

ია სუხიტაშვილი: "ძალიან კარგად მახსოვს 13 ივნისი, როცა საშინელი სტიქია დაატყდა თავს თბილისს როგორ გავერთიანდით ყველა და ქალაქს დავეხმარეთ. მთაწმინდის ცეცხლმოკიდებული ფერდობიც ერთად დგომით კეთილმა ნებამ გადაარჩინა, მოკლედ სიტუაცია კრიტიკულია, იწვის ტყე... დასკვნების კეთების დრო არაა, ხვდებით ალბათ, რისი თქმაც მინდა... ლაპარაკის დრო არაა! "

მერიემ კაკაურიძე