პოეტი ჯანსუღ ჩარკვიანი საავადმყოფოში მოათავსეს. როგორც "რეიტინგს"-ს მისმა ქალიშვილმა თაკო ჩარკვიანმა განუცხადა, ის რეანიმაციულ განყოფილებაშია.

- მამა კლინიკაში 9 დღის წინ მოვათავსეთ და ის არამიანცის საავადმყოფოს რეანიმაციულ განყოფილებაშია. ის მოულოდნელად გახდა ცუდად და ინსულტით მოათავსეს საავადმყოფოში.

ძალიან მძიმედ არის. ერთ-ერთ გადაცემაში მამას ჰკითხეს, იყო თუ არა რუსეთი ოკუპანტი, რაზეც მან უპასუხა რომ რუსეთი ოკუპანტია და საქართველოს ოკუპაცია მას 2008 წელს არ დაუწყია.

ამის შემდეგ ერთ-ერთ გაზეტში დაიწერა ძალიან ცუდი პასკვილი მამაზე. როცა ეს პასკვილი წაიკითხა, მითხრა წყალი მომიტანეო, გავედი და როცა ოთახში დავბრუნდი უკვე ცუდად იყო. არ ვამბობ, რომ ეს არ მოხდებოდა, მაგრამ კიდევ ერთი ვაჟკაცი ქართველი მოკლეს.