მომღერალ თიკა ჯამბურიას ცხოვრებაში სიახლეა. საიტის მკითხველმა კარგად იცის, რომ ორი დღის წინ, თიკას ყოფილმა ქმარმა, ბექა ხოფერიამ სოციალური ქსელის საშუალებით საზოგადოებას ახალი რჩეული წარუდგინა.
ბექა ხოფერია შეყვარებულია და მისი რჩეული ვინმე ლიკა გახლავთ. მათი რომანის გახმაურების შემდეგ, თიკამ გადაწყვიტა მის ცხოვრებაში მომხდარი სიახლეც სოციალური ქსელი გაესაჯაროვებინა.
გუშინ, მომღერალმა ''ფეისბუქის'' პირად გვერდზე ფოტო გამოაქვეყნა, სადაც არათითზე ლამაზი ბეჭედი უკეთია. რამდენიმე წუთში თიკას
საკუთარი ნიშნობა ჯამბურიამ დაადასტურა და ისიც გაგვიმხილა, რომ მისი რჩეული უცხოეთში მოღვაწე ქართველი ბიზნესმენია. თუმცა, სახელი და გვარი არ გაამხილა.
ამ ინფორმაციის გამოქვეყნების შემდეგ, როგორც ჩანს, თიკას უამრავმა ჟურნალისტმა დაურეკა, რადგან მობეზრებულმა მომღერალმა მოგვიანებით სოციალურ ქსელში შემდეგი შინაარსის სტატუსი გამოაქვეყნა.
''ჟურნალისტებს... გთხოვთ, ცოტა ხანი არ დამირეკოთ და არც მომწეროთ. ეს ხალხი გამაგიჟებს, იმის მაგივრად რომ ბედნიერება მისურვონ ბეჭდისა და თვლის ზომაზე სახალხო ისტერიკა გამართეს'' ...
თიკას მორიგ სტატუსს, მისი მეგობრების მხრიდან მილოცვები და ჟურნალისტების კრიტიკა მოჰყვა.
''მე სამი ბეჭედი მოგიტანე ნიშნობაზე... ბრილიანტებით'' - წერს თიკას ყოფილი დედამთილი ხათუნა ხოფერია.
ცნობილია, რომ დაშორების მიუხედავადად თიკას და ქალბატონ ხათუნას ყოველთვის არაჩვეულებრივი ურთიერთობა ჰქონდათ.
''მე ხუთს მოგიტან, სამი ცუდად გაქვს დაცდილიო იმდენი ილაპარაკეს ბეჭდის ზომაზე, რომ ხვალ, ოქროს ქამარს მივიღებ დიდი ბრილიანტებით, ეჭვი მაქვს'' , - პასუხობს მას თიკა.
მიუხედავად იმისა, რომ საკუთარი ნიშნობა თიკა ჯამბურიამ ჩვენთან კომენტრაშიც დაადასტურა, ბევრს მაინც არ სჯერა ამ ინფორმაციის ნამდვილობის და მომღერლის მხრიდან ყოფილ ქმარზე რევანშს ასახელებენ.
როგორ განვითარდება მოვლენები და გათხოვდება თუ არა რეალურად ჯამბურია, ამას დრო გვიჩვენებს.
ვისზეა შეყვარებული თიკა ჯამბურიას ყოფილი ქმარი
თიკა ჯამბურია უცხოეთში მოღვაწე ქართველ ბიზნესმენზე დაინიშნა
ქეთი მელაძე
სპეციალურად ''რეიტინგის'' საიტისთვის
