წყვილმა ურთიერთობა სოციალურ ქსელში გაასაჯაროვა და ერთად გადაღებული ფოტოებიც გამოაქვეყნა. ყოფილ ქმარს არ ჩამორჩა თიკა ჯამბურია და დღეს მომღერალმა თავის ცხოვრებაში მომხდარი სიახლის შესახებ აცნობა საზოგადოებას.
მომღერალმა სოციალურ ქსელში გამოაქვეყნა სურათი, სადაც მარჯვენა ხელის არათითზე ნიშნობის ბეჭედი უკეთია.
''უბედნიერესი ვარ'' - წერს
- თიკა, ''ფეისბუქზე'' ფოტო გამოაქვეყნე, სადაც არათითზე ბეჭედი გიკეთია. როგორც ვხვდები, მალე გაბედნიერდები. გილოცავ.
- დიდი მადლობა მოლოცვისთვის.
- ვინაა შენი რჩეული?
- თვითონ ძალიან დიდი სურვილი აქვს, რომ არ გავამჟღავნო მისი ვინაობა. ერთადერთი იმის თქმა მინდა, რომ ძალიან ბედნიერი ვარ და კარგად ვგრძნობ თავს. იმედი, მაქვს, რომ ჩემი ბედნიერება ყველას ძალიან გაუხარდება.
- როდის გადაწყვიტე გათხოვება?
- ეს ძალიან სპონტანურად მოხდა. მეც გაოგნებული ვარ და არ ველოდებოდი. შეყვარებული ვარ და შემოთავაზებულ წინადადებაზე უარი არ მითქვამს.
- ალბათ ცოლობა ძალიან რომანტიკულად გთხოვათ.
- მართლა ძალიან რომანტიკული ადამიანია. მის ვინაობას მაშინ გაიგებთ, როცა ოფიციალურად გავთხოვდები.
- მასტერი ხომ არაა შენი რჩეული. ვრცელდებოდა ინფორმაცია, რომ რეპერ მასტერზე იყავით შეყვარებული.
- არა, მასტერი არაა, მასთან ერთად გადაღებული ფოტოები არც ერთ სოციალურ ქსელში არ მაქვს დადებული.
- გუშინ გავრცელდა ინფორმაცია, რომ შენი ყოფილი მეუღლე, ბექა ხოფერია ვინმე ლიკა-ლიკუნაზე არის შეყვარებული.
- არ მინდა ჩემს ყოფილ მეუღლეზე საუბარი, რადგან ძალიან ბედნიერი ვარ.
- შენს რჩეულს რა პროფესია აქვს, ის მაინც გაგვიმხილე.
- ბიზნესმენია. ამჯერად თბილიშია, მაგრამ საქართველოში არ მოღვაწეობს.
- დიდი ხანია, ერთმანეთს იცნობთ?
- დიდი ხანია, ვიცნობ.
- როდის აპირებთ ოფიციალურად დაოჯახებას?
- ჯერ ამაზე არ გვისაუბრია. გაოცებული ვარ, რაც მოხდა ჩემს ცხოვრებაში. დაახლოებით ნახევარი საათის წინ შემომთავაზა ცოლობა და მომავალ გეგმებზე ჯერ არ გვისაუბრია.
სალომე დადიანი
სპეციალურად ''რეიტინგის'' საიტისთვის
