''კომედი შოუს'' მსახიობი და ''ვანო ჯავახიშვილის შოუ'' -ში ბენდის ხელმძღვანელი თამუნა ლეკვეიშვილი მესამედ გახდა დედა.
თამუნა ორსულობას იმდენად კარგად ნიღბავდა, რომ ბოლო თვეებამდე ამ ამბის შესახებ მაყურებელმაც კი ვერაფერი შეიტყო. ამას ემატებოდა ისიც, რომ ჟურნალისტებთან ურთიერთობისგან თავს იკავებდა.
თუმცა, ერთი დეტალი აუცილებლად უნდა აღვნიშნო... მართალია, ფეხმძიმობას მალავდა, მაგრამ ''ვანოს შოუდან'' ცნობილი გახდა, რომ მესამე შვილს ელოდებოდა...
ერთი კვირაა, რაც იუმორისტი სკეტჩებიდან გაქრა, მიზეზი კი საპატიო გახლავთ.
მართალია, გვინდოდა, თამუნასთვის პირადად მიგველოცა პატარის შეძენა, მაგრამ ტელეფონს არ უპასუხა.
შეგახსენებთ, რომ მსახიობს ნენეს გარდა ორი შვილი - ნინა და ნიკოლოზი ჰყავს, ახლა კი მათ ოჯახს პატარა ნენეც შეუერთდა.
''რეიტინგის'' სახელით კიდევ ერთხელ ვულოცავთ თამუნას მესამე შვილის შეძენას.
ციცი ომანიძე
სპეციალურად რეიტინგის საიტისთვის
