გვწერდნენ იმასაც, რომ ნანაძე შორენას ძვირადღირებული საჩუქრებით ანებივრებდა და სხვა და სხვა ქვეყნებში მოგზაურობასაც უფინანსებდა ჩვენი მკითხველისთვის ცნობილია, რომ უკვე რამდენიმე თვეა, რაც მსახიობი და ტელეწამყვანი შორენა ბეგაშვილი ბიზნესმენ ირაკლი ნანაძეს ხვდება.

ნანაძე წლებია, რაც რუსეთში მოღვაწეობს და საკმაოდ წარმატებულად. როგორც ცნობილია, ის საყვარელ ქალბატონებს, ძვირადღირებული საჩუქრებით ანებივრებს.

ირაკლი ნანაძე დაოჯახებული გახლავთ, მას მეუღლე და ორი შვილი ჰყავს. ამიტომ ჭორი, რომ შორენას ხვდებოდა, თავიდან არარეალური ჩანდა. ერთ-ერთი მიზეზი ისიც გახლვათ, რომ როგორც ამბობენ, ძალიან კარგი მამა და მეუღლეა.

ნანაძე-ბეგაშვილის რომანის შესახებ პრესისთვის ანონიმური წყაროდან გახდა ცნობილი. რედაქციის ელექტრონულ ფოსტაზე ხშირად მოგვდიოდა წერილები წყვილის გადაადგილების შესახებ.

გვწერდნენ იმასაც, რომ ნანაძე შორენას ძვირადღირებული საჩუქრებით ანებივრებდა და სხვა და სხვა ქვეყნებში მოგზაურობასაც უფინანსებდა.

ამ ინფორმაციის გადამოწმება შეუძლებელი გახლდათ, რადგან ბეგაშვილი დიდი ხანია რაც პრესასთან აღარ ურთიერთობს და გამონაკლის ჟურნალებსა და ტელევიზიას თუ არ ჩავთვლით, ინტერვიუებზე უარს აცხადებს.

სხვა და სხვა გადაცემებშიც მხოლოდ იმაზე საუბრობს, რომ შეყვარებულია, მაგრამ ვისზე ამის შესახებ არაფერს ამბობს.

ჩვენც დიდი ხნის განმავლობაში თავს ვიკავებდით მათი რომანის გასაჯაროებისგან, რადგან ბეგაშვილი კომენტარზე უარს აცხადებდა, სანამ ანონიმურმა წყარომ წყვილის ერთად ჩახუტებული სურათი არ მოგვაწოდა.

ბეგაშვილი-ნანაძის რომანს ფარდა მაშინ აეხადა, თუმცა ტელე-წამყვანმა მაინც დუმილი არჩია. მიზეზი კი სერიოზული გახლავთ, რადგან როგორც ამბობენ, ნანაძე ისევ ოჯახთან ცხოვრობს და შორენა სწორედ ამ მიზეზით ვერ ბედავს ხმამაღლა ამ თემაზე საუბარს.

რამდენიმე დღის წინ, ანონიმურმა წყარომ წყვილის ურთიერთობაში მორიგი სიახლის შესახებ მოგვწერა: -

''ირაკლი ნანაძეს განცხადება განქორწინებაზე შეუტანია. დიღომში რომ საქალაქო სასამართლოა იქ და შორენა მოჰყავს ოფიციალურად ცოლად, იცოდით? მაინც გადაამოწმეთ შეიძლება არ იყოს ზუსტი'', - გვწერს უცნობი ადამიანი.

მართალია, ნანაძის მეუღლე ინტერვიუსგან თავს იკავებს, მაგრამ ოჯახის ახლობელთან დაკავშირება მაინც შევძელით და საკმაოდ საინტერესო ინფორმაცია მოვიპოვეთ.

როგორც ნანაძის მეუღლის ახლობელი ამბობს, ირაკლი ოჯახზე გიჟდება, მეუღლესთან განშორებას არ აპირებს და არც სასამართლოში შეუტანია განცხადება. პირიქით, მეუღლეს, ქალბატონ ლიას, ძვირადღირებული საჩუქრებით ანებივრებს.

ცოტა ხნის წინ გავრცელდა ინფორმაცია, რომ ნანაძის ცოლმა შორენას მანქანა დაუმტვრია. რა მოხდა რეალურად მაშინ ამ თემაზე არც ერთ მხარეს არ უსაუბრია.

როგორც გავარკვიეთ, იმ საბედისწერო დღეს ქალბატონმა ლიამ სწორედ იმ მანქანით გადაადგილების დროს დაინახა შორენა და მისი მეუღლე ერთად.

მეუღლეს სასწრაფოდ დაურეკა და ისიც მაშინვე გაემართა ოფიციალური ცოლისკენ. საღამოს კი გამწარებული ქალი, მსახიობის მანქანას გაუსწორდა.

ოჯახის ახლობელი ამბობს, რომ ნანაძე მეუღლეს არასოდეს მიატოვებს და არც მისი მეუღლე აპირებს განქორწინებაზე განცხადების შეტანას

სალომე დადიანი
სპეციალურად ''რეიტინგის'' საიტისთვის