ფოტო და ოჯახური ვიდეო, სადაც ივანიშვილების ოჯახს დაბადების დღეზე ჯამბაზებიც ჰყავდაც მოწვეული, მათი პირადი კომპიუტერიდან არაკანონიერი გზით იყო მოპოვებული ''მე ვამბობ მადლობას'' - ასე ჰქვია გვერდს, რომელიც სოციალურ ქსელში ცოტა ხნის წინ შეიქმნა, მაგრამ უკვე 11 ათასზე მეტ ადამიანს მოსწონს. გვერდის შემქმნის მიზანი ბიძინა ივანიშვილისთვის მადლობის გადახდაა.

სოციალური ქსელის აქტიური მომხმარებლები ფოტოებს იღებენ წარწერით - ''მე ვამბობ მადლობას'' და გვერდზე აქვეყნებენ.

მოსახლეობა აწ უკვე ყოფილ პრემიერს მადლობას უხდის სიკეთისთვის, ქვეყნის გადარჩენისთვის და ''ნაციონალური მოძრაობის'' მმართველობიდან გათავისუფლებისთვის.

ჯგუფის შემქმნელებმა 24 ნოემბრის აქცია დააანონსეს და ''ქართული ოცნების'' ყრილობაზე მისული ბიძინა ივანიშვილისთვის სიუპრიზის მოწყობას აპირებენ.

მათი მიზანია ფურცლებზე დაწერილი მადლობა მიიტანონ და ივანიშვილს დაანახონ რომ ერი მისი მადლიერია. რეალურად რამდენი ადამიანი მივა აქციაზე ამას უკვე რამდენიმე დღეში გავიგებთ.

მართალია, გვერდი პოპულარულია, მაგრამ სოციალურ ქსელში უკვე გაჩნდა მადლობის გაშარჟებული ვერსიები. მკითხველს კარგად ახსოვს საპარლამენტო არჩევნებამდე გამოქვეყნებული ფოტო, რომელზეც ტრუსებში ჩაცმული ბიძინა ივანიშვილი ბერასთან ერთად იყო გადაღებული.

მაშინ ამ ფაქტზე ''ქართული ოცნების'' მხრიდან კომენტარიც გაკეთდა. ფოტო და ოჯახური ვიდეო, სადაც ივანიშვილების ოჯახს დაბადების დღეზე ჯამბაზებიც ჰყავდაც მოწვეული, მათი პირადი კომპიუტერიდან არაკანონიერი გზით იყო მოპოვებული.

მადლობის აქციის საპასუხოდ, სოციალურ ქსელის ერთ-ერთმა აქტიურმა მომხმარებელმა ნუგზარ მეტრეველმა ბიძინა ივანიშვილის ცნობილი ფოტოს ახლებური ვერსია შემოგვთავაზა.

''პირიქით მადლობა თქვენ'' - ასე გამოიყურება პრემიერის ცნობილი ფოტო, რომელიც არანაკლებ პოპულარული გახდა სოციალურ ქსელში.

სალომე დადიანი
სპეციალურად ''რეიტინგის'' საიტისთვის