ლალის გათხოვების ამბავს სოციალური ქსელში აქტიურად განიხილავდნენ. მათ შორის იყო ჟურნალისტი ნათია კობერიძე გუშინ, ლალი მოროშკინამ საზოგადოებას მესამედ გათხოვების ამბავი ამცნო და როგორც თავად აღნიშნა, ყველაზე მაგარ ვაჟკაც, ირაკლი ჯაფარიძესთან ერთად, ბებერ ევროპაში გაემგზავრა.

ლალის გათხოვების ამბავს სოციალური ქსელში აქტიურად განიხილავდნენ. მათ შორის იყო ჟურნალისტი ნათია კობერიძე.

ნათიამ ''ფეისბუქის'' საკუთარ გვერდზე ლალი მოროშკინას გათხოვების ამბავი გაიზიარა და სტატუსად დაწერა ''ჩემთან ჩხუბი მაინც მოასწრო. ''კავკასიაზე'' დამემუქრა, თუ არ შეწყვეტ ასეთ აზროვნებას, შენც აგჩანგლავო'' .

ჩხუბის დეტალების გასარკვევად

ნათია კობერიძეს რამდენიმე კითხვით მივმართეთ:

- ნათია, თქვენ და ლალი მოროშკინამ როდის იჩხუბეთ?
- პარასკევს საღამოს ტელეკომპანია ''კავკასიაზე'' ერთ-ერთ გადაცემაში სტუმრად ვიყავით. ეთერის ბოლოს ყვირილი დამიწყო, როგორ ბედავ, ეთერ-ეთერ დადიხარ და ლაპარაკობო. ვაწყნარებდი, მაგრამ ამაოდ. ბოლოს ვთქვი, ლალის ცხოვრებიდან ერთი ეპიზოდი გამახსენდა-მეთქი და გამეცინა. თქვა, დიახ, ყველას უნდა ახსოვდეს ეს ეპიზოდიო. ეთერში ისმის როგორ მემუქრება ''აჩანგვლით''
- გადაცემა რა თემაზე იყო?
- ინაუგურაციაზე ვსაუბრობდით. ლალიმ დაიწყო მითების მოყოლა, რომ თურმე ციხეში ორმოცდაჩვიდმეტი ბავშვი გაუუპატიურებიათ. მე ვთხოვე, სასამართლოში აღძრული ერთი საქმე მაინც დაესახელებინა. ამდენი გაუპატიურებული ბავშვის ამბავს ვერც ერთი გონიერი ადამიანი ვერ დაიჯერებს. მით უმეტეს, როდესაც მტკიცებულება არ არსებობს.
- კამათი როგორ დამთავრდა?
- არაფრით. გავჩუმდით. ძველი გოგოა ლალი.
- ლალის პირადად იცნობდით?
- პირველად ამ გადაცემაში შევხვდი. არ ვანიჭებ ამ კამათს არავითარ მნიშვნელობას. კომიკური ეპიზოდია.

მერი კობიაშვილი
სპეციალურად ''რეიტინგის'' საიტისთვის