ყველსათვის საყვარელმა მსახიობმა, ია ფარულავამ გადაწყვიტა - გააგრძელოს პრესასთან ურთიერთობა. "დავიწყე ისევ ინტერვიუები, ხალხს ვენატრები და რა ვქნა აბა?" - დაწერა იამ თავის "ფეისბუქზე".

მსახიობს ჩვენ რამდენიმე ბლიც-შეკითხვა დავუსვით.

სახელი და გვარი: ია ფარულავა.

ჰოროსკოპი: მერწყული.

საყვარელი ფერი: მწვანე.

საყვარელი დესერტი: ფელამუში (მჭადის ფქვილით).

მეშინია: არაფრის.

საყვარელი ფასტ ფუდი: ხაჭაპური.

საკუთარი თავი ათი წლის შემდეგ წარმომიდგენია: ძალიან მდიდარი, ძალიან წარმატებული, ძალიან ლამაზი დ ახალგაზრდული იერის მქონე ქალბატონი.

ბავშვობაში მეგონა, რომ: ვიყავი პატარა.

მინდა დამიმახსოვრონ, როგორც: ერთი გიჟი ქალი.

წიგნი, რომლის ავტორიც ვიქნებოდი: "როგორ გავაძლიერო საკუთარი კუდი ანტენა" (იცინის). რთულია ამის ახსნა, ბევრი უნდა ვისაუბრო, კუდამდე და ანტენამდე, რომ მივიდე. მე უკვე დავწერე წიგნი, რომელსაც ქვია: "თამაში თამაშის გარეშე".

ნივთი, რომელსაც მუდამ თან ვატარებ: საფულე.

ფრაზა, რომელსაც ყველაზე ხშირად ვამბობ არის: დაიკიდე.

ორი მილიონი დოლარის მოგების შემთხვევაში: ათ პროცენტს ქველმოქმედებას დავუთმობდი, დანარჩენით კი ჩემს მეგობრებთან ერთად ვიგულავებდი.

ყველაზე ეგზოტიკური საჭმელი, რომელიც მიჭამია არის: დათვის ყაურმა.

კატებსა და ძაღლებს შორის: უპირატესობას ვანიჭებ კატებს, თუმცა ორივე ძალიან მიყვარს.

საყვარელი სეზონია: გაზაფხული.

ჩემს გარდერობში: ძალიან ცოტა ფეხსაცმელია, ალბათ 15 წყვილი. ჩემი ტანსაცმელები გაჩუქების რეჟიმშია.

არჩევანი, რომლის წინაშეც ვდგები ყოველ დღე: სად დავლიო ყავა?

ის, რასაც ყველაზე დიდ ყურადღებას ვაქცევ ადამიანში არის: სიმართლე.

მერიემ კაკაურიძე