ვასაძის ოჯახის შესახებ მხოლოდ ეს მწირი ცნობები არსებობს ინტერნეტსივრცეში, რადგან ბიზნესმენი პრესის ყურადღებით მოხიბლული არ გახლვათ ბიზნესმენ ლევან ვასაძის ფიგურა ბოლოს დროს უფრო აქტუალური ხდება საზოგადოებაში და მისი პერსონით არამარტო ჟურნალისტები ინტერესდებიან... ლევან ვასაძე ლამის სერიალის გმირადაც იქცა.

ყოველ შემთხვევაში დღეს აღარავინ დავობს, რომ `ჩემი ცოლის დაქალების~ ერთ-ერთი პერსონაჟი, მირიან ბარათეონი, ძალიან ჰგავს ცნობილ ბიზნესმენს.

ლევან ვასაძე 1970 წელს დაიბადა. სახელმწიფო უნივერსიტეტის დამთავრების შემდეგ განათლების მიღება ამერიკაში გააგრძელა.

მიუხედავად იმისა, რომ წლები საზღვარგარეთ ცხოვრობდა, მის მიმართ ინტერესი ყოველთვის იყო, თუმცა ვასაძე ქართულ პრესასთან დუმილს ამჯობინებდა.

საქართველოში ოჯახთან ერთად 2009 წლიდან ცხოვრობს. ჰყავს მეუღლე და შვიდი შვილი. ვასაძის ოჯახის შესახებ მხოლოდ ეს მწირი ცნობები არსებობს ინტერნეტსივრცეში, რადგან ბიზნესმენი პრესის ყურადღებით მოხიბლული არ გახლავთ.

ბევრჯერ გავრცელდა ჭორი, რომ ბიძინა ივანიშვილი საპრეზიდენტო კანდიდატად ლევან ვასაძეს დაასახელებდა. თუმცა პრემიერმა ეს ფაქტი, პირველივე პრესკონფერენციაზე უარყო.

მალე გაირკვა, რომ ლევან ვასაძე გიორგი მარგველაშვილის უახლოესი მეგობარი გახლდათ და უფრო მეტიც, ვასაძის ცნობილი სკოლის დაფუძნებაში მარგველაშვილსაც მიუძღვის დიდი წვლილი.

როგორც გავარკვიეთ, მარგველაშვილს და ვასაძეს, გარდა მეგობრობისა, ნათელ-მირონობაც აკავშირებთ. პრეზიდენტი ვასაძის ერთ-ერთი შვილის ირაკლი ვასაძის ნათლიაა.

17 წლის ირაკლი ვასაძე მორაგბეა. სოციალურ ქსელში საკუთარი პროფილი აქვს, სადაც, როგორც ოჯახურ, ისე მეგობრებთან ერთად გადაღებულ ფოტოებსაც აქვეყნებს. ვასაძის ოჯახური ფოტო არასრული შემადგენლობით სწორედ ირაკლის გვერდზე აღმოვაჩინეთ.

28 ოქტომბერს, ირაკლის 17 წელი შეუსრულდა. ''ფეისბუქის'' საკუთარ გვერდზე მილიონერის შვილს იუბილესთან ერთად, ნათლიის გაპრეზიდენტებაც მიულოცეს.

ქეთი მელაძე
სპეციალურად ''რეიტინგის'' საიტისთვის