ბათუმში მეგობართან ერთად ბარში ვიყავი. მიხეილ სააკაშვილი კი ვიღაც კაცთან ერთად იყო, ვერ ვცნობ პოლიტიკოსებს და ვერ გეტყვით, ვინ იყო მის გვერდით მართალია, 27 ოქტომბერს მიხეილ სააკაშვილის პრეზიდენტობის ვადა ამოიწურა, მაგრამ მის მიმართ ინტერესი მაინც დიდია. 27 ოქტომბრის არჩევნები დიდ ემოციებთან იყო დაკავშირებული როგორც ხელისუფლებისთვის, ასევე ოპოზიციისთვის, აღარაფერს ვამბობ საქართველოს ექს-პრეზიდენტზე, რომელთან ერთადაც გადაღებული ფოტო ტელეწამყვანმა თამუნა მუსერიძემ რამდენიმე დღის წინ ''ფეისბუქის'' საკუთარ გვერდზე გამოაქვეყნა.
რასაკვირველია, დავინტერესდით ფოტოს წარმომავლობით და იმით თუ რა ვითარებაში მოხდა მათი შეხვედრა და თამუნას დავუკაშვირდით..

თამუნა:
- როგორც იცით, ერთ-ერთ კლუბსა და რეტორნების ქსელში საზოგადოებასთან ურთიერთობის სამსახურში ვმუშაობ. ჩვენთან ხშირად იხდიან დაბადების დღეებს. ჰოდა, ჩემთვის ერთ ჩვეულებრივ სამუშაო დღეს, საქართველოს პრეზიდენტს შევხვდი. ეს მოხდა მაშინ, როცა ერთ-ერთი კლიენტი, რომლის ვინაობაც არ ვიცი, იუბილეს აღნიშნავდა.
- იცოდით, რომ პრეზიდნეტი უნდა მოსულიყო?
- პირადად მე მაშინ გავიგე, როცა თქვეს მოდისო...
- ფოტოს გადაღება როგორ მოხდა, თავად გამოხატე ინიციატივა?
- კი, აბა თვითონ ხომ არ მოვიდოდა?
- რა ვიცი, გამორიცხული არაფერია. არ გაგესაუბრა, თუ გიცნო?
- რაც შეეხება ცნობას, ვერაფერს ვიტყვი, ამ თემაზე არ გვისაუბრია. როდესაც ფოტოს გადაღება ვთხოვე, უკვე გვიანი იყო და მკითხა, ძალიან ხომ არ დაიღალეო. ვმუშაობ და არ დავღლილვარ-მეთქი ვუპასუხე. ეს იყო და ეს, ფოტო გადავიღეთ და ასე დავშორდით ერთმანეთს.
- მანამდე არსად შეხვედრიხარ პრეზიდენტს?
- კი, ბათუმში მეგობართან ერთად ბარში ვიყავი. მიხეილ სააკაშვილი კი ვიღაც კაცთან ერთად იყო, ვერ ვცნობ პოლიტიკოსებს და ვერ გეტყვით, ვინ იყო მის გვერდით.
- მაშინ არ გაგიჩნდათ მასთან სურათის გადაღების სურვილი?
- მაშინ არ მიფიქრია ამაზე.. ალბათ არ იყო ამის დრო, სიტუაცია და ადგილი.
- რა გამოხმურება მოჰყვა თქვენს ერთობლივ ფოტოს სოციალურ ქსელში?
- არაერთგვაროვანი, რაც არ უნდა გააკეთო ყველას ვერ მოეწონება, ხომ იცით, ზოგს მღვდელი მოსწონს, ზოგს - მღვდლის ცოლი.

ქეთი მელაძე
სპეციალურად ''რეიტინგის'' საიტისთვის