როგორც ცნობილია, „რუსთავი 2“-ის მაყურებელმა შესაძლოა ვეღარ  იხილოს სერიალ „ხელოვნური სუნთქვის“ გაგრძელება. ამასთან დაკავშირებით ძალიან ბევრი გამოთქვამს უკმაყოფილებას. 

მეორე სეზონი ისე დამთავრდა, რომ დაიჭირეს მთავარი მოქმედი გმირი - შოთა. ჯერჯერობით გაუგებარია, უდანაშაულო ექიმით რატომ დაინტერესდნენ სამართალდამცავები. ინგა გრიგოლია სერიალის შეწყვეტასთან დაკავშირებით სოციალურ ქსელში შემდეგ პოსტს აქვეყნებს.

„ნიკა გვარამია - გავიგე, შეიძლება „ხელოვნური სუნთქვა„ აღარ გაგრძელდეს, ხოდა ან სწრაფად მიიღე გადაწყვეტილება და დამიბრუნე ჩემი სერიალი, ან გამაგებინეთ მაინც, რატომ დაიჭირეთ ჩემი შოთა ან ვიწყებ მშრალ შიმშილობას „რუსთავი2-ის„ შესასვლელთან, იქამდე, ვიდრე არ გაკეთდება განცხადება, რომ სერიალი გრძელდება!

მოვახდენ მაყურებლის მობილიზაციას და დავიწყებ საპროტესტო აქციებს, თავისი კარვებითა და საკნებით, თქვენს წინააღმდეგ!!!!! ველი გადაწყვეტილებას!!!!

დაჟინებული მოთხოვნით -მაყურებელი ი.გ“