როგორც ცნობილია, შორენა ბეგაშვილის ქალიშვილი, ევა ბარბაქაძე მეხუთე სართულიდან გადმოვარდა. ის ძალიან მძიმედ იყო დაშავებული თუმცა თურქი და ქართველი ექიმების პროფესიონალიზმისა და ქართველების თანადგომით გოგონას არაერთი ოპერაცია გაუკეთეს..

ცოტა ხნის წინ სოციალურ ქსელში გავრცელდა ინფორმაცია, რომლის მიხედვითაც 6თვის ნიკოლოზ ელიაძეს ლეიკემია დაუდგინდა და მას სასწრაფოდ ესაჭიროება თურქეთის კლინიკაში გადაყვანა. პატარა ნიკოლოზი გადაიყვანეს კლინიკაში, თუმცა იმისთვის, რომ ბავშვს მკურნალობა არ შეუწყვიტონ უნდა შეგროვდეს 35000$.

შორენა ბეგაშვილმა გამოაქვეყნა სტატუსი, რომელშიც ის ამ ბავშვის მშობლებზე საუბრობს. შორენა ამბობს, რომ ელიაძის მშობლები მას ლანძღავენ და შეურაცხყოფას აყენებენ. მსახიობმა რამდენიმე ფოტო გამოაქვეყნა შემდეგი ტექსტის თანხლებით:

"ერთი კითხვა მაქვს, ამ ბავშვის ახლობლებს ჩემს სალანძღავად რატომ გცალიათ? მე რატომ გგონივართ თქვენი პრობლემების მომგვარებელი? მე ერთი კვირის წინ ჩამოვედი თურქეთიდან და კიდევ ერთი ოპერაცია გადავიტანეთ. ამიხსენით რით დაგეხმაროთ? კი ხალხი დამეხმარა, მაგრამ მას შემდეგ კიდევ სამი ოპერაცია გაიკეთა ევამ. მეც მჭირდებოდა ფული მაგრამ ნაგავო და არარაობა არავისთვის მიკადრებია. მიმართეთ ვისაც ევალება დაფინანსება. მე ჯერ ევას ოპერაციის თანხა არ დამიფარავს ბოლომდეეეე."

სურათი კი რამდენიმე სქრინშოტისგან შედგება, პირველ ნაწილში ვინმე ლელი ლელი წერს მსახიობს:

"ვის ბლოკავ შე ნაგავო ქალო? სიმართლე მწარეა, არაა? ევა, რომ იწვა საავადმყოფოში მთელი ფეისბუქი იყო აჭრელებული შენი ანგარიშის ნომრით ეს რა პოსტით გამოხვედი და რა პონტში დაამცირე ის ოჯახი შენი პოსტით? იმიტომ, რომ ხალხზე არიან დამოკიდებული? ხომ იცი, რომ მართლა არის ეს ოჯახი მთელს საქართველოზე დამოკიდებული? ამ დედააფეთქებულ მთავრობას ვერ მიმართავენ და მიმართავენ იმას, ვისაც მართლა შეუძლია დახმარება. მოხუცთა თავშესაფარს, რომ ეხმარებოდი, ღმერთმა ჯანმრთელობა მოგცეს, მაგრამ იმათმა უკვე გაიარეს ცხოვრება. ეს პატარა ბავშვები?! მაგათ ცხოვრება არ უნახიათ ჯერ. ოჯახი უფლის და მთელი საქართველოს იმედზეა... მართლა გამიკვირდა..."

მეორე ნაწილში შორენას კომენტარებში უწერენ, რომ ის თავს ანგელოზად აჩვენებს ყველას და როცა დახმარებას სთხოვენ იმავე გასაჭირში მყოფი ადამიანები რომელშიც თავად იყო სულ ცოტა ხნის წინ, დახმარებაზე უარს ამბობს.

მესამე სურათზე ჩატის მხოლოდ რაღაც მონაკვეთი ჩანს, შორენა წერს პატარა ნიკოლოზის მამიდას:

"რამდენიც არ უნდა მლანძღოთ, ხუთი დღის წინ ჩამოვიყვანეთ ევა ოპერაციიდან.

ოპერაციის თანხა არ არის სრულად დაფარული. თავი შეიკავეთ ზედმეტი სიტყვებისგან."

მას თეონა ელიაძე პასუხობს: "სად ხედავ ლანძღვას? რომელ მონაწერში? იმდენი გაგიკეთათ უბრალო ხალხმა, რომ კიდე ვიმეორებ, უბრალოდ სინანულის გამოხატვა შეგეცლოთ მაინც, მაგრამ არა, არ შეგიძლია და არ გაწუხებს, ვერ გამოხატავ. წარმოიდგინე, ასეთი პასუხებით, რომ მოეშორებინე ერთ დროს თავიდან ყველას, ცნობილი ხალხის დახმარება საკმარისი იქნებოდა?! მოწერას გააჩნია, სინანულითაა მოწერილი თუ ფეხებზე დაკიდებით. ღმერთისთვის მიმინდვია ყველაფერი წარმატებები..."

"ქალბატონო ლელი, ანგარიშის ნომერი და ჩასარიცხი მისამართი გააზიარეთ ყველგან და ვისაც რა შეუძლია, დაეხმარება ხალხი, შორენამ რა გააკეთოს? რა უცნაური ხალხია!!!",

"შორე გაატარე შენთვის უაზრო ადამიანების პოსტებიი", - წერენ კომენტარებში.

მარიამ კაკაურიძე