როგორც ცნობილია მომღერალი ნინა წკრიალაშვილი მამასთან წლების განმავლობაში არ კონტაქტობდა. მამა-შვილს შორის უთანხმოება პოლიტიკურ ნიადაგზე დაიწყო და რადგან როგორც ნინა ამბობდა, ორივე ძალიან ჯიუტები არიან, შერიგება არ ხერხდებოდა.

''ჩემს ქალიშვილთან საერთოდ არ მაქვს კონტაქტი. იმიტომ რომ მაგ ქალბატონისა და ჩემი პოზიციები ერთმანეთისგან ძალიან განსხვავდება! ჩვენ შორის საუბარი  როცა იყო, მეუბნებოდა - რა ვქნა, ვიცი, რომ გული გტკივა, მაგრამ მაგათ სამსახურში ვარ და სამსახურის გარეშე ვერ დავრჩებიო! ამაზე ყოველთვის ერთსა და იმავეს ვპასუხობდი - შვილო, არ გინდა მაგათ სამსახურში ყოფნა მეთქი! ამბობდა ერთ-ერთ ინტერვიუში ზურაბ წკრიალაშვილი.

შეგახსენებთ, რომ მომღერალი მამას საჯაროდ მას შემდეგ დაუპირისპირდა, რაც გორში სტალინის ძეგლის დადგმასთან დაკავშირებით ზურაბ წკრიალაშვილი ძეგლის დაბრუნების მომხრეთა შორის იყო.

ამასთან დაკავშირებით მომღერალი ამბობდა, ''რაც დავიბადე და ლაპარაკი დავიწყე, მე და მამაჩემს მას შემდეგ ყველაფერზე განსხვავებული მოსაზრება გვაქვს. ვიტირო თუ ვიცინო, აღარ ვიცი, არადა სასაცილო არ არის. მამაჩემი იქნება, ბიძაჩემი თუ ჩემი მეზობელი, ვისაც გორში სტალინის ძეგლის დაბრუნება უნდა, იქნება ლენინის მავზოლეუმის გადმოტანაც მოითხოვონ'' .

როგორც ჩანს, უთანხმოება წარსულს ჩაბარდა, რადგან ნინა სუციალურ ქსელში მამასთან და დედასთან ერთად გადაღებულ ფოტოს აქვეყნებს. ფოტო დედის დაბადების დღესაა გადაღებული.