ამერიკაში მომღერალთან უკვე დედამისიც ჩავიდა, რომელიც გვერდში დაუდგება ქეთას მას მერე, რაც ორი წლის წინ გათხოვდა, ქართველი მომღერლის ორსულობის შესახებ არაერთხელ გავრცელებულა ხმები, თუმცა თავად ყველაფერს უარყოფდა. ბოლოს კი, ლამის უკვე რვა თვის ორსული და მუცელგაბერილი რომ გამოჩნდა საზოგადოებაში, ნამდვილად ყველა გააოგნა. მას მერე, ორსულობის ბოლო კვირებიდან მშობიარობამდე, თაყვანისმცემლები თუ უბრალოდ ცნობისმოყვარენი გულისყურით ადევნებდნენ თვალს პროცესებს.

ქეთამ მშვიდობით იმშობიარა და პატარა ოლივიას პირველი ფოტოც გამოაქვეყნა ''ინსტაგრამზე''- ფეხის თითები. სამაგიეროდ, უფრო ''გულუხვი'' აღმოჩნდა ბავშვის მამა, რომელმაც გულში ჩახუტებული ბავშვის ფოტო გაავრცელა, მინაწერი კი შემდეგნაირი გახლდათ: ''ლივი (ოლივიას შემოკლება- რედ.) და ლევი. ბედნიერი მამიკო''.



ამერიკაში მომღერალთან უკვე დედამისიც ჩავიდა, რომელიც გვერდში დაუდგება ქეთას. ქეთას ბევრმა თაყვანისმცემელმა, კოლეგამ თუ მეგობარმა მიულოცა ბავშვის დაბადება. ქართული შოუბიზნესის წარმომადგენლებიდან ერთ-ერთი პირველები ნატო დუმბაძე და გიგა კვენეტაძე იყვნენ. ერთმა თაყვანისმცემელმა კი ასეთი რამ დაუწერა: ''დღეს ერთი ვარსკვლავი ჩაქრა ჟანა ფრისკეს სახით, თქვენ კი ახალი ვარსკვლავი აანთეთ''.

როგორც მანამდე ივარაუდებოდა, ქეთამ ამერიკაში იმშობიარა, ქვეყნის ერთ-ერთ ყველაზე პრესტიჟულ კლინიკაში. თვითონ მოსკოვში აპირებდა მშობიარობას, თუმცა ლევ გეიხმანმა, რომელიც მილიონერია, გადაწყვიტა, მისი შვილი ლოს-ანჯელესის ყველაზე პრესტიჟულ კლინიკაში გაჩენილიყო. ჩედარს-სინაი მედიცალ ჩენტერში იმშობიარეს თავის დროზე მადონამ, ბრიტნი სპირსმა, კიმ კარდაშიანმა... იქ მშობიარობა დაახლოებით 30 ათასი დოლარი ღირს.

როგორც ქეთამ ერთხელ გაიხსენა, ლევს ასე გამოუცხადა ორსულობის ამბავი: ''ტესტი გავიკეთე, ლევს დავურეკე და ვუთხარი: ''ბავშვი გვეყოლება''. იფიქრა, ვხუმრობდი. მე ხომ სულ ვხუმრობ. მერე კი, რა თქმა უნდა, ძალიან გაუხარდა''.

ქეთასთვის ეს პირველი შვილია, მის ქმარს კი უფროსი ქალიშვილი ჰყავს პირველი ქორწინებიდან- 16 წლის სონია, რომელიც საზღვარგარეთ ცხოვრობს დედასთან ერთად და ქეთასთანაც შესანიშნავი ურთიერთობა აქვს.

ჟურნალი ''რეიტინგი''