რამდენიმე დღის წინ, ცნობილი გახდა, რომ ცნობილმა მსახიობმა და ტელეწამყვანმა შორენა ბეგაშვილმა, რვაწლიანი თავანცხოვრების შემდეგ, ბიზნესმენი ქმარი ირაკლი ნანაძე მიატოვა.

განქორწინების მოწმობა შორენამ სოციალურ ქსელში გამოაქვეყნა. მას შემდეგ, რაც ცნობილი გახდა, რომ ქვეყნის ერთ-ერთი ულამაზესი ქალი თავისუფალია, მისი თაყვანისმცემლების რიცხვი ერთი ორად გაიზარდა.

"რეიტინგმა" ბეგაშვილის ინსტაგრამს გადაავლო თვალი და დაინტერესდა, როგორ ცხოვრობს მსახიობი ქმრის მიტოვების შემდეგ.

აშკარაა, რომ მძიმე გადაწყვეტილების მიღების მიუხედავად, მსახიობი დეპრესიაში არ არის. ის ისევ ისე აქტიურად ვარჯიშობს, ზრუნავს საკუთარ გარეგნობაზე და ბევრს მუშაობს.

შორენა რადიო იმედში მუშაობს წამყვანად, მალე კი ტელევიზიასაც დაუბრუნდება - "რუსთავი 2"-ზე ახალ გადაცემას წაიყვანს.

მსახიობის მთავარი საზრუნავი, ბუნებრივია, მისი ქალიშვილი ევა ბარბაქაძეა, რომელიც წელს სტუდენტი გახდა.

ევას ინსტაგრამზე მისი ფოტოების გამოქვეყნება ნაკლებად უყვარს, თუმცა, შორენა ზოგჯერ ცდილობს, საზოგადოებას უმშვენიერესი ქალიშვილის ახალი ფოტოები გაუზიაროს.

გოგონა, რომელიც საზოგადოებამ ჯერ კიდევ ბავშვობაში შეიყვარა, ამჯერად სრულიად განსხვავებული იმიჯით გვამახსოვრებს თავს, რაც დედის მიერ გამოქვეყნებულ ფოტოზეც ნათელია.

ნათელია, რომ სტუდენტი ევა დედას უკვე გაჭრილი ვაშლივით ჰგავს და ეს მსგავსება გამომწერებმაც შენიშნეს.