სალომე ზურაბიშვილის ჩაცმულობა ხშირად ხდება საზოგადოებაში განხილვის საგანი, ქვეყნის პრეზიდენტი ჩაცმულობის სკანდალში ბოლოს დონალდ და მელანია ტრამპთან შეხვედრისას მოექცა.

პრეზიდენტმა გვიან ღამით, სოციალურ ქსელში დემნა გვასალიას კოლექცია გამოაქვეყნა და გამომწერებს სთხოვა, კაბის შერჩევაში დახმარებოდნენ.

"რომელი ჩავიცვა ... სკანდალის გარეშე????" - დაწერა პრეზიდენტმა.

სალომე ზურაბიშვილის პოსტს დიდი გამოხმაურება მოჰყვა, მოდის ყველაზე დიდმა ქართულმა სოციალურმა პლატფორმამ, დემნა გვასალიას კოლექციიდან მას კაბა შეურჩია.