ახალი ამბავი არავისთვისაა ის ფაქტი, რომ მსახიობი შორენა ბეგაშვილი შინაური ცხოველების დიდი მოყვარულია. მას სახლში ჰყავს პატარა ძაღლი სანი, რომელსაც დაბადების დღეებსაც კი უხდის.

სულ ცოტა ხნის წინ, სოციალურ ქსელში მსახიობმა პოსტი გამოაქვეყნა, საიდანაც ირკვევა, რომ ის საკუთარი ძაღლისთვის "საცოლეს" ეძებს.

"გამარჯობა,სანი ვარ. მე კარგი ამბები მაქვს, ამიტომ ვიცინი. მოკლედ, ცოტა ხნის წინ დამიწუნა ერთმა მსუქანიაო, მსუქანი არ ვარ,სრული ვარ მერე დედამ დიეტაზე დამსვს და ეხლა როგორც იქნა მოვეწონე ერთ გოგოს, ანუ მალე ცოლი მეყოლება.

დედას ერთი სული აქვს ჩემი ლეკვი ყავდეს. ნეტა მერე მე ვეყვარები? არ ვიცი. გუშინ კი გავაბრაზე, ცოტა ფეხსაცმლის თასმა შევუჭამე, კუთხეში დამაყენა და "ტუშონკა"აღარ მაჭამა.

ეხ ცუდი დღე მქონდა, წავედი, ნეტა სად მივყავარ? ეთქვა მაინც იმედი მაქვს დასაბანად არა. #სანი #კრუასანი #სახელიგადამარქვით", - წერს მსახიობი.