მომღერალი ქეთა თოფურია აქტუალურობას საზოგადოებისთვის ბავშვობიდან არ კარგავს. ხალხისთვის საინტერესოა, როგორც მისი პერსონა, ასევე მისი ყოფილი ქმარი, ბიზნესმენი ლევ გეიხმანი, ყოფილი საყვარელი მამაკაცი რეპერი გუფი და ნებისმიერი დეტალი, რაც მის სახელს უკავშირდება.

2012 წელს ქეთა გათხოვდა ბიზნესმენ ლევ გეიხმანზე, რომელიც თვითმფრინავში გაიცნო. წყვილს ჰყავს ქალიშვილი ოლივია გეიხმანი, რომელსაც მშობლების ყურადღება არასდროს აკლია.



ისინი ორი წლის წინ დაშორდნენ ერთმანეთს, თუმცა, ქეთა და ლევ გეიხმანი ხშირად არიან ერთად, რადგან პატარა ოლივიას მათი ერთად ყოფნა ძალიან ახარებს.



ლევ გეიხმანი, მიუხედავად დატვირთული გრაფიკისა, ხშირად ატარებს დროს ქალიშვილთან და ცდილობს ისევე გაერთოს, როგორც 4 წლის გოგონა.



ინსტაგრამზე ბიზნესმენი მხოლოდ ქალიშვილის ფოტოებს აქვეყნებს. ცოტა ხნის წინ, მან ოლივიასთან ერთად გადაღებული ფოტო დადო, სადაც უსაყვარლეს მამა-შვილს ერთნაირი ბოტასები აცვიათ.